МІНСК, 29 мая – Sputnik. Для выпрацоўкі новых актаў міжнароднай бяспекі патрэбны працоўныя двухбаковыя адносіны з шэрагам дзяржаў, аднак яны зараз адсутнічаюць, заявіў у панядзелак прэс-сакратар расійскага прэзідэнта Дзмітрый Пяскоў.
Паводле яго слоў, такіх адносін зараз няма – і не па віне Расіі.
"Ім (з’яўленню новых актаў – Sputnik) павінна папярэднічаць вельмі напружаная і расцягнутая па часе праца", - сказаў Пяскоў журналістам, адказваючы на пытанне аб наступствах дэнансацыі ДЗУСЕ.
Прадстаўнік Крамля падкрэсліў, што прамых наступстваў дэнансацыі гэтага дакумента, які ўжо даўно страціў сваю актуальнасць для Расіі, быць не павінна.
"Справа ў тым, што фактычна гэта быў ужо, скажам так, нежывы механізм. І, паверце, не па віне Расійскай Федэрацыі. Тут, у дадзеным выпадку, расійскі бок прывёў у адпаведнасць сітуацыю дэ-факта. Таму зараз прамых наступстваў не будзе", - запэўніў прэс-сакратар Пуціна.
Нагадаем, закон аб дэнансацыі Дагавора аб звычайных узброеных сілах у Еўропе падпісаў прэзідэнт Расіі ў панядзелак, 29 мая.
У Дзярждуму праект аб дэнансацыі быў унесены 10 мая, ужо 16 мая закон быў прыняты.
Чаму скасавалі дагавор?
Дакумент аб узаемадзеянні ў рамках ДЗУСЕ быў падпісаны ў 1990 годзе ў сталіцы Францыі паўнамоцнымі прадстаўнікамі 16 дзяржаў-удзельніц НАТА і шасці дзяржаў-удзельніц Арганізацыі Варшаўскага дагавора (АВД).
У 1999 годзе на саміце АБСЕ ў Стамбуле быў падпісаны абноўлены варыянт дагавора. Аднак яго ратыфікавалі толькі чатыры краіны – Расія, Беларусь, Казахстан і Украіна.
У 2007 годзе Расія прыпыніла ўдзел у міжнародным дагаворы "да таго часу, пакуль краіны НАТА не ратыфікуюць Пагадненне аб адаптацыі і не пачнуць добрасумленна выконваць гэты дакумент".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Пуцін падпісаў закон аб дэнансацыі ДЗУСЕ
Расія цяпер можа размяшчаць зброю, дзе хоча: Мядзведзеў аб дэанансацыі ДЗУСЕ
Дэнансацыя ДЗУСЕ: Расія забіла апошні цвік у труну адносін з НАТА