МІНСК, 30 мая – Sputnik. Як у Беларусі выконваюцца дзяржаўныя праграмы, зацверджаныя ў пачатку пяцігодкі, расказаў прэм’ер-міністр Раман Галоўчанка на пасяджэнні прэзідыума Саўміна ў аўторак, перадае карэспандэнт Sputnik.
Галоўчанка нагадаў, што ў бягучай пяцігодцы рэалізуецца 29 дзяржпраграм, якія падлягаюць ацэнцы. Усяго на іх будзе выдаткавана 255 млрд беларускіх рублёў. З іх трэць – гэта бюджэтныя сродкі.
"Пэўны вынік ужо ёсць. Напрыклад, у рамках выканання гэтых праграм пабудавана 8,6 млн квадратных метраў жылля, уведзена ў эксплуатацыю больш як 50 устаноў адукацыі і аховы здароўя. Зніжана энергаёмістасць ВУП на 5,1% да ўзроўню 2021 года", - падкрэсліў прэм’ер.
Галоўчанка адзначыў, што ацэнка эфектыўнасці рэалізацыі дзяржпраграм праводзіцца ў адпаведнасці са зразумелай методыкай. Створана спецыяльная міжведамасная камісія пад кіраўніцтвам Міністэрства эканомікі.
"Згодна з выніковай справаздачай, 48% дзяржпраграм аднесены да высокаэфектыўных і эфектыўных. У астатніх 52% эфектыўнасць ацэньваецца як сярэдняя. У цэлым вынік нядрэнны, калі глядзець рэтраспектыву", - рэзюміраваў кіраўнік урада Беларусі.
Раней намеснік міністра эканомікі Таццяна Бранцэвіч расказала, што ў рамках выканання гэтых дзяржпраграм у Беларусі пабудавалі 24 дзіцячыя садкі, 12 школ, 73 аб’екты аховы здароўя, 6 фізкультурна-аздараўленчых комплексаў.
У тым ліку, у рамках дзяржаўных праграм адрамантавана больш за 5 тысяч кіламетраў аўтадарог і ўзведзена каля 9 мільёнаў квадратных метраў жылля.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Каля 250 млрд рублёў патрацілі за 2 гады на 29 дзяржпраграм у Беларусі
Экспарт за першы квартал склаў 11,7 мільярда долараў – прэм'ер Беларусі
Чаму ў Беларусі скараціліся золатавалютныя рэзервы