МІНСК, 16 чэр – Sputnik. Для стварэння агульнага прадфонду ЕАЭС спачатку будуць праведзены кансультацыі з экспертамі краін Саюза, паведаміла намеснік дырэктара Дэпартамента аграпрамысловай палітыкі ЕЭК Айна Кусаінава падчас відэамоста ў мультымедыйным прэс-цэнтры Sputnik Беларусь.
Паводле слоў Кусаінавай, трэба будзе вырашыць такія пытанні, як механізм фінансавання фонду, цэнаўтварэнне, транспарціроўка і іншыя. Будзе вывучацца вопыт іншых краін, а таксама дзяржаў ЕАЭС.
"Падобныя механізмы (харчовыя фонды - Sputnik) цяпер шырока рэалізуюцца ў Расійскай Федэрацыі, у Рэспубліцы Казахстан", - сказала Кусаінава.
Пакуль што не вырашана, якія менавіта прадукты будуць рэзерваваць для фонду. Хутчэй за ўсё, гэта будуць тавары працяглага захоўвання, у тым ліку збожжавыя і алейныя.
Што да Беларусі, то яна магла б выдзеліць прадукты глыбокай перапрацоўкі: напрыклад, сухое малако і сметанковае масла.
Стварыць надзвычайны харчовы фонд ЕАЭС не так даўно прапанаваў прэм’ер-міністр Расіі Міхаіл Мішусцін.
"Мы лічым неабходным стварыць паўнавартасную сістэму аператыўнага маніторынгу харчовай забяспечанасці ўсіх краін ЕАЭС", - заявіў Мішусцін на нядаўнім саміце ў Сочы.
Раней Еўразійскі банк развіцця (ЕАБР) адзначаў, што Беларусь забяспечана бульбай на 100% ад патрэбнасцей. У Казахстане ўзровень яшчэ вышэйшы – 104%, а ў Арменіі – 101%.
Аднак у некаторых краінах ЕАЭС, а таксама ва Узбекістане і Таджыкістане, не збалансаваны рацыён харчавання сярэднестатыстычнага жыхара. У штодзённым меню дамінуюць таннейшыя прадукты расліннага паходжання.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Механізм вырашэння пытанняў харчовай бяспекі створаць у ЕАЭС – відэа
Мішусцін прапанаваў стварыць у ЕАЭС надзвычайны харчовы фонд