МІНСК, 19 чэр – Sputnik. ЗША не падтрымліваюць незалежнасць Тайваня, заявіў дзяржсакратар ЗША Энтані Блінкен на сустрэчы з кітайскім лідарам Сі Цзіньпінам.
Дзяржсакратар ЗША напярэдадні прыбыў з двухдзённым візітам у КНР. Паведамляецца, што яго сустрэча з Сі Цзіньпінам праходзіла ў Доме народных сходаў у Пекіне і працягнулася 35 хвілін.
"ЗША не падтрымліваюць незалежнасць Тайваня і не маюць намер уступаць у канфлікт з Кітаем", - цытуе амерыканскага дзяржсакратара МЗС КНР.
Блінкен таксама дадаў, што Вашынгтон спадзяецца на ўзаемадзеянне з кітайскім бокам на высокім узроўні, на падтрыманне бесперашкодных кантактаў, імкненне да дыялогу, кантактаў і супрацоўніцтва.
У сваю чаргу старшыня КНР выказаў спадзяванне, што Вашынгтон у адносінах з Пекінам зойме рацыянальную пазіцыю.
Раней дзяржсакратар ЗША сустрэўся з кіраўніком МЗС КНР Цінь Ганам і кіраўніком канцылярыі камісіі па замежных справах ЦК КПК Ван І.
Спрэчны Тайвань
Афіцыйныя адносіны паміж мацерыковым Кітаем і астраўной правінцыяй Тайвань спыніліся ў 1949 годзе. Гэта здарылася пасля таго, як сілы Гоміндана, якія прайгралі ў грамадзянскай вайне, на чале з Чан Кайшы перабраліся на востраў. Але афіцыйны Пекін ніколі не прызнаваў Тайвань як асобную дзяржаву, пазначаючы яе як частку КНР.
Дзелавыя і нефармальныя кантакты паміж Тайванем і мацерыковым Кітаем аднавіліся ў канцы 1980-х. З пачатку 1990-х бакі сталі кантактаваць праз няўрадавыя арганізацыі – пекінскую Асацыяцыю развіцця адносін праз Тайваньскі праліў і тайбэйскі Фонд абменаў праз праліў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Кітай запатрабаваў ад ЗША не пастаўляць зброю Тайваню
Мінск падтрымае Пекін у сітуацыі вакол Тайваня – Лукашэнка
Спроба ЗША стрымліваць Кітай пры дапамозе Тайваня праваліцца – КНР