МІНСК, 30 чэр – Sputnik. Беларусь працягвае руку міралюбнасці суседнім краінам, заявіў прэзідэнт краіны Аляксандр Лукашэнка ў пятніцу ў Палацы Рэспублікі на ўрачыстым сходзе ў гонар Дня Незалежнасці.
Паводле яго слоў, палітыкі ў суседніх дзяржавах дэманструюць вар'яцкія паводзіны, але беларусы павінны з імі суіснаваць у "благім міры".
"Нашаму ўраду, Міністэрству замежных спраў трэба прапанаваць ім план добрасуседства і міру", - цытуе прэзідэнта Беларусі яго прэс-служба.
Пры гэтым беларускі лідар асабліва адзначыў, што "мы чарговы раз працягваем вам руку міралюбнасці не таму, што спалохаліся вашых "палкоў" і "харугваў". Мэты іх нікчэмныя, і планы вар’яцкія".
Трыбунал і эшафот
Пасля чаго нагадаў, што падчас Вялікай Айчыннай вайны калабарацыяністы не змаглі знайсці столькі людзей, каб сабраць "войска вызваліцеляў".
"У Вялікую Айчынную такія зборышчы выдаваліся за беларускіх партызан, якія ваююць з камуністычным рэжымам. Для іх гэта ўсё скончылася трагічна – трыбуналам і эшафотам", - падкрэсліў кіраўнік дзяржавы.
Аляксандр Лукашэнка таксама звярнуў увагу, што нават тыя, хто схаваўся за акіянам, знайшлі забыццё і бясслаўе. Таму тыя, хто імкнецца паўтарыць іх шлях, робяць гэта на ўласны выбар.
На яго думку, гэты "выбар не самы разумны, улічваючы расклад сіл, які змяніўся".
Агульныя праблемы
Аляксандр Лукашэнка сказаў, што нягледзячы на адрозненні ў каштоўнасцях і традыцыях Заходняя і Усходняя Еўропа могуць развівацца разам. Цікавасць уяўляюць і эканоміка, і навука, і адукацыя, і культура.
"У нас і праблем хапае. Але таксама агульных. Клімат мяняецца, мы ледзь не кожны год змагаемся за ўраджай. Цэлая куча энергетычных пытанняў, доступ да рэсурсаў, у тым ліку і працоўных. Дэмаграфічная сітуацыя. Рост экстрэмізму, кіберзлачыннасці", - прывёў прыклады ён.
Пасля чаго нагадаў яшчэ раз, што міграцыйны крызіс у чарговы раз накрывае Заходнюю Еўропу. Рана ці позна ён можа "накаціць" і на Ўсходнюю Еўропу.
"Нам трэба супрацоўнічаць і памятаць: якія б мускулы, які б ваенны патэнцыял мы ні нарошчвалі, якія б тэхналогіі ні развівалі – мы не мацнейшыя за прыроду", - канстатаваў Аляксандр Лукашэнка.
Пасля чаго ён у чарговы раз заклікаў да міру ў глабальным сэнсе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Беларусь знаходзіцца ў эпіцэнтры супрацьстаяння Захаду і Усходу – Савет бяспекі
Ваеннае супрацоўніцтва краін Захаду з Украінай з’яўляецца памылкай – Орбан
Беларусь гарантуе бяспеку любымі сіламі і сродкамі – Вальфовіч