МІНСК, 1 ліп – Sputnik. Увечары 3 ліпеня ў гонар Дня Незалежнасці каля стэлы "Мінск – горад-герой" пройдзе гала-канцэрт "Формула міру", а затым і акцыя "Праспяваем гімн разам", паведаміла журналістам начальнік упраўлення дзяржаўных спецыяльных культурных мерапрыемстваў Міністэрства культуры Беларусі Іна Адамовіч.
Хэдлайнерам канцэрта, паводле яе слоў, будзе расійскі калектыў Filatov & Karas ("Філатаў і Карась").
"Гэтае мерапрыемства адкрытае. Запрашаем наведаць", - сказала Адамовіч.
Таксама ў Дзень Незалежнасці ў Нацыянальным акадэмічным Вялікім тэатры оперы і балета Беларусі пройдзе ўрачыстая цырымонія ўзнагароджання работнікаў культуры і канцэрт майстроў мастацтваў. У тэатры арганізуюць выставу дасягненняў беларускай культуры.
Незадоўга да Дня Незалежнасці, 30 чэрвеня, у Палацы Рэспублікі пройдзе ўрачысты сход, куды запросяць ветэранаў Вялікай Айчыннай вайны, баявых дзеянняў у Афганістане, ветэранаў працы, журналістаў і іншых.
Абяцаюць прэм’еры музычных кампазіцый ад артыстаў эстрады і оперы, у тым ліку з рэгіёнаў. У фае таксама будзе выстава, якую вырашылі назваць "Хлеб. Мір. Стварэнне". Экспазіцыя раскажа аб дасягненнях Беларусі.
Дзе яшчэ канцэрты
Начальнік упраўлення культуры Мінгарвыканкама Віталь Брэль паведаміў, што ўсяго да Дня Незалежнасці ў сталіцы арганізуюць больш за 160 мерапрыемстваў. Напрыклад, у 10:00 3 ліпеня на плошчы Перамогі кіраўніцтва горада і грамадскасць ускладуць кветкі. Там жа будзе перагорнута апошняя старонка сімвалічнага календара памяці.
З 1 па 3 ліпеня каля Палаца спорту будуць праводзіць кірмашы і канцэрты. 1 ліпеня ў 14:00 пачнецца маладзёжны канцэрт.
"Будуць і кавер-групы, і дыджэі, і проста тыя папулярныя маладыя людзі, якіх мы бачым на экранах нашых тэлевізараў", - сказаў Віталь Брэль.
У нядзелю 2 ліпеня выступяць фальклорныя калектывы (пачатак у 14:00), а на 3 ліпеня падрыхтавана яшчэ адна праграма, якая стартуе ў 12:00, а завершыцца ў 23:00. На гэтай лакацыі сінхронна з пляцоўкай каля стэлы будзе акцыя "Праспяваем гімн разам". Акрамя таго, святочныя пляцоўкі будуць і ў кожным раёне сталіцы.
Завершацца ўрачыстасці феерверкам у некалькіх кропках. Але яго не будзе ў парку Уга Чавеса з-за рамонтных работ. Гэтую лакацыю перанеслі ў сквер Янкі Купалы.
Дзе паесці кашы
У сваю чаргу начальнік 2-га аддзела ўпраўлення інфармацыі Галоўнага ўпраўлення ідэалагічнай работы Мінабароны Аляксандр Кісель паведаміў, што вайскоўцы разгорнуць у Мінску дзевяць тэматычных пляцовак: у парку імя 60-годдзя Кастрычніка, у парку Перамогі, скверы Мулявіна, парку экстрэмальных відаў спорту, каля Нацбібліятэкі , у парку Паўлава, каля Мінскага гарадскога палаца культуры (Лошыцкі парк), каля "Чыжоўка-Арэны" і ў парку "Курасоўшчына".
У гэтых месцах можна будзе паглядзець на ваенную тэхніку (усяго будзе больш за 60 адзінак), узоры сучаснай экіпіроўкі і формы. Будуць конкурсы, выступленні кінолагаў і воінаў-чыгуначнікаў.
Салдацкая каша
© Sputnik / Виктор Толочко
"Акрамя таго, вайскоўцы прыгатуюць смачную, а галоўнае сытную салдацкую кашу", - адзначыў прадстаўнік Мінабароны.
Дадатковая пляцоўка будзе за горадам – на Кургане Славы. Там вайскоўцы ўпершыню будуць частаваць свежым хлебам.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Жадаеце пад бізуном хадзіць? Лукашэнка перасцярог ад страты незалежнасці
Беларусь амаль выйшла на тэхналагічную незалежнасць – Бяглоў
Саюзныя праграмы не пагражаюць незалежнасці Беларусі – Лукашэнка