На палях саміту НАТА ў Вільнюсе сёння чакаецца ратыфікацыя дакумента аб гарантыях бяспекі Кіеву, аб гэтым са спасылкай на канцылярыю брытанскага прэм’ера паведамляе тэлеканал Sky News. У дакуменце прадугледжваецца выдзяленне УСУ ваеннай тэхнікі, узмацненне абмену разведданымі, пашырэнне праграм навучання ваеннаслужачых, а таксама развіццё прамысловых магутнасцей Украіны.
Нягледзячы на ўсю праўкраінскую дэкларатыўнасць, саміт НАТА ў Вільнюсе не апраўдаў чаканняў Кіева ў частцы рэалізацыі паскоранай працэдуры прыняцця Украіны ў альянс. Гэта бачна па тоне каментарыяў Зяленскага і яго чыноўнікаў.
Сітуацыю пракаменціраваў ваенны аглядальнік "Комсомольской правды", палкоўнік Віктар Баранец.
"Вынікі саміту для Зяленскага мне падаліся шакаладкай з цвікамі. З аднаго боку яны паабяцалі нейкія гарантыі, паабяцалі далейшую ваенную дапамогу тэхнікай і грашыма, але галоўнае не адбылося! А Байдэн у гэтую "шакаладку" засунуў самы вялікі цвік, які выклікаў у Зяленскага азвярэнне", - адзначыў эксперт.
Па словах Баранца, паводзіны Захаду ў дачыненні да Зяленскага нагадваюць гульню з морквай ля морды козліка, калі саму моркву не даюць, а бацвіннем па мордзе водзяць.
Падрабязны каментарый ваеннага аглядальніка "Комсомольской правды" Віктара Баранца слухайце ў аўдыёзапісе на радыё Sputnik Беларусь.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Эксперт ацаніў, ці пойдзе НАТА на адкрытую канфрантацыю з РФ і Беларуссю
Уцягванне Украіны ў НАТА вядзе да эскалацыі канфлікту – МЗС РФ