МІНСК, 12 ліп – Sputnik. Генеральная пракуратура Беларусі лічыць безвыніковай работу па вяртанні культурных каштоўнасцей, вывезеных у гады Вялікай Айчыннай вайны.
"Апынулася безвыніковай праца Камісіі пры Саўміне па выяўленні, вяртанні, сумесным выкарыстанні і ўвядзенні ў навуковы абарот культурных каштоўнасцей, якія знаходзяцца за межамі рэспублікі, у частцы вяртання культурных каштоўнасцей перыяду ВАВ", - паведамілі Sputnik у Генпракуратуры Беларусі.
Там адзначылі, што агульны пералік культурных каштоўнасцей, вывезеных у ваенныя гады, толькі нядаўна быў сфарміраваны.
Адзначаючы ўстаноўленыя пракурорамі недахопы ў рабоце камісіі, у Генпракуратуры падкрэслілі, што адказныя за гэта асобы не ў поўнай меры правялі аналіз міжнародна-прававых сродкаў для вяртання такіх каштоўнасцей, праблем іх рэалізацыі ў адносінах да кожнай замежнай дзяржавы.
Увекавечанне памяці
Падчас праведзеных праверак пракуроры выявілі больш за 24 тысячы імён мірных грамадзян, якія не былі ўвекавечаны.
Генпракуратура праінфармавала ўрад аб выяўленых парушэннях заканадаўства ў сферы ўвекавечання памяці аб загінулых мірных жыхарах у гады ВАВ, адзначылі ў галоўным наглядным ведамстве.
Па словах пракурораў, у цяперашні час у Беларусі працягваюць заставацца невядомымі імёны 75% забітых і пахаваных у гады вайны, пры гэтым з іх устаноўлена толькі 112 тысяч імён мірных грамадзян.
Пракуроры ўстанавілі значную колькасць архіўных дакументаў, дзе змяшчацца персанальныя даныя загінулых, месцы іх пахавання, на мясцовым узроўні ў банкі даных "Кніга Памяці" не ўносілі.
У Генпракуратуры таксама лічаць абгрунтаваным пашырыць маршруты ваенна-гістарычнага турызму з уключэннем у іх месцаў масавага пахавання ахвяр генацыду і іншых памятных аб’ектаў.
Па патрабаванні Генпракуратуры ўжо праведзена карэкціроўка маршрутнай сеткі – у Нацагенцтва па турызме перададзены звесткі для дадатковага ўключэння некалькіх дзесяткаў аб’ектаў перыяду ВАВ.
Вывезеныя каштоўнасці
Як вынікае з інфармацыі, размешчанай на сайце "Архівы Беларусі", у гады ВАВ з беларускіх музеяў у краіны Цэнтральнай і Заходняй Еўропы былі вывезены многія творы мастацтва. З Дзяржаўнай карціннай галерэі БССР, якая знаходзілася ў акупіраваным нацыстамі Мінску, у фашысцкую Германію было вывезена каля 1 700 твораў жывапісу і ікон, больш за 50 скульптур, вялікая колькасць малюнкаў, гравюр, музычных інструментаў, мэблевыя вырабы. Размова ідзе аб творах Айвазоўскага, Брулова, Бялыніцкага-Бірулі, Урубеля, Левітана, Рэпіна, Сурыкава, Мікеланджэла, Растрэлі.
Таксама з Беларусі была вывезена каштоўная калекцыя Слуцкіх паясоў. У гады вайны Беларусь пазбавілася свайго нацыянальнага сімвала – Крыжа Еўфрасінні Полацкай.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Германія адказала на запыт Беларусі па справе аб генацыдзе
Урон ад нямецкай акупацыі БССР: хто і як ацаніў
Бастрыкін і Гара распавялі, як прасоўваецца расследаванне спраў аб генацыдзе