Традыцыйна 2 жніўня ў Мар’іну Горку з’язджаюцца ветэраны ПДВ з усіх рэгіёнаў Беларусі і блізкага замежжа. Пятая асобная брыгада – адно з самых элітных злучэнняў Узброеных Сіл краіны.
З гэтай вайсковай часткай многіх звязваюць успаміны, кожны год на сустрэчу з таварышамі па службе з’язджаюцца сотні дэсантнікаў. Ёсць і тыя, хто прыязджае з сем’ямі – паказаць дзецям месца службы і пазнаёміць з яе асаблівасцямі.
Традыцыйная праграма з паказальнымі выступленнямі спецназаўцаў – сцежка разведчыка, розыгрыш баявых эпізодаў, рукапашны бой і дэманстрацыя валодання зброяй – паўтараецца практычна штогод, але ўсё роўна выклікае неперадавальныя эмоцыі. Сёлета гасцям свята прадэманстравалі баявы эпізод разведчыкаў, а таксама пачаставалі салдацкай кашай і квасам.
2 жніўня Дзень ПДВ святкуюць ва ўсіх злучэннях і воінскіх часцях ССА: у Брэсце, Віцебску і Мар’інай Горцы. Пры гэтым людзей у цяльняшках і блакітных берэтах у гэты дзень можна сустрэць на вуліцах кожнага з беларускіх гарадоў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Лукашэнка павіншаваў дэсантнікаў
Са стрэламі і выбухамі: віцебскія дэсантнікі адзначылі дзень ПДВ – відэа
Ніхто, акрамя іх: дэсантнікі шумна адзначылі Дзень ПДВ у Мінску