МІНСК, 2 жні – Sputnik. Памёр савецкі і расійскі кампазітар Аляксандр Колкер, пра гэта паведаміў Саюз кампазітараў Санкт-Пецярбурга.
"З жалем паведамляем, што 1 жніўня 2023 года памёр савецкі і расійскі кампазітар, заслужаны дзеяч мастацтваў РСФСР Аляксандр Навумавіч Колкер", - паведаміў творчы саюз на сваёй старонцы сацсеткі "ВКонтакте".
Дата і месца развітання з кампазітарам пакуль што невядомы.
Колкер нарадзіўся 28 ліпеня 1933 года ў Ленінградзе (цяпер Санкт-Пецярбург). Вучыўся ў музычнай школе па класе скрыпкі, затым іграў у сімфанічным аркестры, захапляўся джазам.
У час навучання ў Ленінградскім электратэхнічным інстытуце пісаў музыку да студэнцкіх спектакляў, таксама ўдзельнічаў у стварэнні Ленінградскага маладзёжнага эстраднага ансамбля.
Прафесійнай кампазітарскай дзейнасцю пачаў займацца ў 1958 годзе.
Колкер з’яўляецца аўтарам больш за 100 песень, у прыватнасці, "Туман", "Дождик", "Парень с Петроградской стороны", "Карелия", "Стоят девчонки" і многіх іншых. Частка з іх напісана ў сааўтарстве з паэтам Кімам Рыжовым.
Яго песні ўваходзілі ў рэпертуар такіх вядомых выканаўцаў эстраднага жанру, як Лідзія Клемент, Мая Крысталінская, Эдуард Хіль, Іосіф Кабзон, Муслім Магамаеў і іншых. Частку песень выконвала яго жонка Марыя Пахоменка – спявачка і народная артыстка Расіі.
Колкер таксама аўтар мюзіклаў, музыкі да больш як 30 спектакляў, а таксама музыкі да кінафільмаў – у прыватнасці, "Труффальдино из Бергамо", "Трое в лодке, не считая собаки" і іншых.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Памёр Валянцін Юдашкін – СМІ
У Мінску развіталіся з драматургам Аляксеем Дударавым
Памёр Барыс Майсееў