МІНСК, 12 жні – Sputnik. Найбуйнейшая ВНУ краіны – Беларускі дзяржаўны ўніверсітэт – прыняла рашэнне ўзняць кошт навучання з 1 верасня 2023 года. Новыя расцэнкі апублікаваны на сайце адукацыйнай установы.
У цэлым вучоба ў БДУ падаражэе, як і ў іншых ВНУ, на 7%. У абсалютных лічбах прыбаўка складзе ад 200 да 400 рублёў у залежнасці ад спецыяльнасці. Гэта датычыцца як дзённага, так і завочнага аддзялення.
На дзённай форме 1 курса навучанне будзе каштаваць:
механіка-матэматычны факультэт – 4 262 рублі,
факультэт прыкладной матэматыкі і інфарматыкі – 4 768,
факультэт радыёфізікі і камп’ютарных тэхналогій – ад 4 262 да 4 768 рублёў,
фізічны факультэт – 4 262 рублі,
хімічны факультэт – 4 262 рублі,
біялагічны факультэт – 5 185 рублёў,
факультэт геаграфіі і геаінфарматыкі – ад 4 262 да 4 768 рублёў,
эканамічны факультэт – 5 726 рублёў,
гістарычны факультэт – 4 262 рублі,
факультэт журналістыкі – 5 185 рублёў,
факультэт філасофіі і сацыяльных навук – ад 3 754 да 5 185 рублёў,
філалагічны факультэт – ад 3 754 да 5 826 рублёў,
юрыдычны факультэт – ад 5 185 да 5 956 рублёў,
факультэт міжнародных адносін – ад 5 726 да 5 956 рублёў,
факультэт сацыякультурных камунікацый – ад 4 768 да 5 826 рублёў,
сумесны інстытут БДУ і ДПУ – ад 4 262 да 5 726 рублёў.
Такім чынам, найтанней у БДУ будзе вучыцца на спецыяльнасцях "сацыяльная праца", "беларуская філалогія" і "руская філалогія".
Даражэй за ўсё – на юрыста і дыпламата.
У гэтым годзе Белдзяржуніверсітэт плануе набраць каля 1 560 першакурснікаў на платную форму навучання. Плату за навучанне традыцыйна можна будзе падзяліць на некалькі частак.
Нагадаем, значная частка ўніверсітэтаў краіны раней ужо аб’явіла аб падаражэнні навучання ў 2023/2024 навучальным годзе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Амаль 600 стобальнікаў паступілі ў БДУ ў 2023 годзе
Лукашэнка расказаў, колькі гадоў павінны адпрацоўваць мэтавікі
Мінадукацыі вызначыла, на якія спецыяльнасці каледжы прымуць больш абітурыентаў