МІНСК, 14 жні – Sputnik. Дэлегацыя Томскай вобласці на чале з губернатарам Уладзімірам Мазурам наведала ў панядзелак Гродна, паведамляецца на афіцыйным сайце Адміністрацыі расійскага рэгіёна.
На пачатку лета старшыня Гродзенскага аблвыканкама Уладзімір Каранік пабываў у Томску, на гэты раз расіян з візітам у адказ прымае беларускі бок.
Губернатар Томскай вобласці выказаў падзяку свайму беларускаму калегу за насычаную праграму візіту і ініцыятыву правесці ў Гродне пасяджэнне рабочай групы па супрацоўніцтве паміж абласцямі дзвюх краін.
Уладзімір Мазур таксама адзначыў, што за апошнія месяцы рэзка актывізавалася ўзаемадзеянне паміж рэгіёнамі.
Як прыклад паспяховага супрацоўніцтва ён прывёў праект томскіх садаводаў і гродзенскіх харчавікоў.
"Дзякуючы актыўным сувязям Бакчарскага гадавальніка і Гродзенскага мясакамбіната ў хуткім часе ў прадуктовай лінейцы камбіната з’явіцца новы прадукт – каўбаса з бружмелем", - расказаў Уладзімір Мазур і дадаў, што яе можна будзе набыць не толькі ў Беларусі, але і ў Томску.
Прадстаўнікі двух рэгіёнаў падпісалі дагавор аб далейшай навукова-даследчай дзейнасці паміж АДУП "Бакчарское" і РУВП "Гродзенскі занальны інстытут раслінаводства Нацыянальнай акадэміі навук Беларусі".
Абазначаны перспектывы супрацоўніцтва ў сферы медыцыны і тэхналогій штучнага інтэлекту. Гэта датычыцца праекта "Рэціна", які распрацоўваюць кампанія "Энбісіс" і Сібірскі дзяржаўны медыцынскі ўніверсітэт. Томскія навукоўцы прапанавалі Гродзенскай вобласці далучыцца да праекта, які дазваляе з дапамогай штучнага інтэлекту дыягнаставаць дыябет па здымку сятчаткі вока.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Лукашэнка прапанаваў Рагозіну ўвесь патэнцыял Беларусі дзеля адзінай айчыны
Рост беларускага экспарту адбываецца за кошт рынку Расіі – Снапкоў
Чэлябінск можа стаць хабам Беларусі для транзіту тавараў