МІНСК, 14 жні – Sputnik. Кіраўнік абароннага ведамства РФ Сяргей Шайгу правёў са сваім калегам з Беларусі Віктарам Хрэніным перагаворы на палях міжнароднага ваенна-тэхнічнага форуму "Армия-2023", паведамілі ў прэс-службе Мінабароны Расіі ў панядзелак.
У ведамстве падкрэслілі, што падчас сустрэчы абмяркоўваліся пытанні "ваеннага і ваенна-тэхнічнага супрацоўніцтва дзвюх краін па лініі міністэрстваў абароны".
Там нагадалі, што на форуме "Армия" разгорнута і беларуская экспазіцыя, яе сёння наведае Шайгу. Усяго ў экспазіцыі рэспублікі прадстаўлена больш за 80 узораў айчыннай тэхнікі.
Маштабнае мерапрыемства
Форум "Армия-2023" пачаў сваю працу 14 жніўня, асноўнымі пляцоўкамі для яго правядзення сталі цэнтр "Патриот", аэрадром Кубінка і палігон Алабіна ў Падмаскоўі.
З беларускага боку ўдзел у форуме таксама бярэ кіраўнік Дзяржкамваенпрама Дзмітрый Пантус – ён правядзе рабочыя перагаворы з замежнымі калегамі і партнёрамі з Расіі.
Мерапрыемствы выставы і канферэнцыі пройдуць па 20 жніўня. Першы дзень працы форуму "Армия-2023" адкрыты толькі для спецыялістаў па спісках. Масавае наведванне выставы запланавана з пятніцы па нядзелю ўключна.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Грызлоў: "Армия" пераканаўча дэманструе лідэрскія пазіцыі расійскага ВПК
Расійскія ваенныя паспяхова выпрабавалі ў зоне СВА новыя бронекамізэлькі "Оберег"
Мінабароны РФ заключыць кантракты на $4,7 млрд на форуме "Армия-2023"