Праваслаўны свет ўступае ў адзін з самых строгіх пастоў – Успенскі.
Успенскі пост пачынаецца ў панядзелак, 14 жніўня, будзе доўжыцца два тыдні і скончыцца 28 жніўня, калі праваслаўная царква адзначыць адно з асноўных свят – Успенне Прасвятой Багародзіцы.
Усяго ў праваслаўным рэлігійным календары чатыры шматдзённыя пасты – Калядны, Вялікі (перад Вялікаднем), Пятроўскі (Апостальскі) і Успенскі.
"Калі Пятроўскі пост лічыцца кампенсаторным і дае магчымасць папасціцца тым, хто прапусціў Вялікі пост з прычыны хваробы або падарожжа, то Успенскі пост падобны на Вялікі", - распавялі Sputnik свяшчэннікі.
Успенскі пост падобны на Вялікі
© Sputnik / Альфред Микус
Таму Успенскі пост і называецца Багародзічным Вялікаднем.
Успенскі пост з’явіўся значна пазней за Вялікі пост, які лічыцца ахвярай Богу. Успенскі ж пост – Багародзічны.
"Значэнне Божай Маці ўсё больш і больш праяснялася са стагоддзямі. І пасля таго як адбылося Успенне Багародзіцы і яе Ушэсце на Нябёсы, хрысціяне сталі пасціць у яе гонар", - адзначылі свяшчэннікі.
Акрамя гэтага, ва Успенскі пост трэба кожны дзень чытаць малітву Божай Маці, канон ці акафіст.
Ва Успенскі пост трэба кожны дзень чытаць малітву Божай Маці
© Sputnik / Владимир Астапкович
/ Успенскі пост дастаткова строгі. Ён мае на ўвазе не толькі поўную адмову ад ежы ў пэўныя дні, сухаядзенне, частыя паходы ў храм, зямныя паклоны. Падчас яго таксама трэба, як гавораць свяшчэннікі, "закрываць вушы, вочы і прыкусіць язык".
У першы дзень Успенскага посту заўсёды адзначаецца дзень сямі святых пакутнікаў Макавеяў. У народзе гэты дзень яшчэ называюць Мядовы ці першы Спас.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"