Беларусь накіравала гуманітарную дапамогу ў Прыморскі край

МІНСК, 17 жні – Sputnik. МНС Беларусі па даручэнні кіраўніка дзяржавы накіравала гуманітарную дапамогу Прыморскаму краю для барацьбы з наступствамі паводкі, паведамілі ў прэс-службе ведамства.

У МНС расказалі, што ў Прыморскі край будзе дастаўлена больш як 72 тоны гуманітарнай дапамогі на агульную суму 1,8 мільёна беларускіх рублёў.

Спецыяльны рэйс даставіць у расійскі рэгіён бензінавыя помпавыя ўстаноўкі, дызельныя генератары, прадукты харчавання, лекі, адзенне і абутак для дзяцей і дарослых.

У прэс-службе адзначылі, што адрасная дапамога ад Беларусі была ўзгоднена з кіраўніцтвам Прыморскага краю.

Раней стала вядома, што тайфун "Ханун" і палярны фронт прынеслі ў Прыморскі край ліўні, ападкі, што прывяло да моцных паводак.

Паводле афіцыйнай інфармацыі, па стане на чацвер 17 жніўня, у дзевяці муніцыпалітэтах Прыморскага краю падтопленымі застаюцца 44 шматкватэрных і 258 прыватных дамоў, а таксама 615 прыдамавых участкаў.

На дарогах краю назіраюцца 27 пераліваў. У прэс-службе "Прымаўтадара" паведамілі, што адрэзанымі ад дарожных зносін днём застаюцца тры населеныя пункты.