МІНСК, 22 жні – Sputnik. Міністр замежных спраў Расіі Сяргей Лаўроў прыляцеў сёння ў ПАР, каб узяць удзел у саміце БРІКС.
Міжнародны форум пройдзе ў Йоханэсбургу з 22 па 24 жніўня. На афіцыйных сустрэчах расійскі бок будзе прадстаўляць кіраўнік МЗС, а прэзідэнт Расіі Уладзімір Пуцін прыме ўдзел у саміце па відэаканферэнцсувязі.
Галоўнымі тэмамі на парадку дня для абмеркавання на ўзроўні лідараў краін БРІКС стануць такія пытанні, як пашырэнне арганізацыі, пераход на ўзаемаразлікі ў нацыянальных валютах.
Раней стала вядома, што 23 дзяржавы падалі афіцыйныя заяўкі на ўступленне ў БРІКС. На мерапрыемствах форуму будуць працаваць прадстаўнікі 67 краін "глабальнага Поўдня" і Афрыкі.
Упершыню ў саміце БРІКС прыме ўдзел Беларусь, якую па даручэнні Аляксандра Лукашэнкі будзе прадстаўляць міністр замежных спраў Сяргей Алейнік. Плануецца, што кіраўнік беларускага знешнепалітычнага ведамства на палях саміту правядзе шэраг працоўных сустрэч са сваімі замежнымі калегамі.
У ліпені бягучага года беларускі пасол у Бразіліі Сяргей Лукашэвіч перадаў бразільскаму боку ноту, дзе пацвярджаўся намер афіцыйнага Мінска далучыцца да БРІКС у паўнапраўным фармаце. Кіраўнік дзяржавы яшчэ ў маі адправіў неабходныя звароты ў адрас краін БРІКС з просьбай аб прыёме ў склад арганізацыі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Беларусь упершыню прыме ўдзел у мерапрыемствах саміту БРІКС
Расія прапануе краінам БРІКС стварыць свой модуль на арбітальнай станцыі
БРІКС можа прыняць трох новых членаў