МІНСК, 25 жні – Sputnik. Беларускія следчыя расследуюць інцыдэнт з бежанцам з Судана, якога польскія вайскоўцы праз брамку для жывёл выцеснілі ў Беларусь, паведамілі ў СК рэспублікі.
Расследаванне інцыдэнту даручана Камянецкаму раённаму аддзелу СК.
"У Камянецкім раёне беларускія пагранічнікі выявілі збітага грамадзяніна Судана. Ён распавёў, што на польскім баку людзі ў вайсковай форме збілі яго дубінкамі і прыкладамі аўтаматаў", - паведамілі Sputnik у СК.
Па словах суданца, ён прасіў аб дапамозе, але яго выкінулі праз брамку для жывёл на тэрыторыю Беларусі.
Змардаваны суданец быў дастаўлены ў беларускую бальніцу, там яму аказалі медыцынскую дапамогу. Пазней мужчына распавёў, што на каленях маліў наёмнікаў у форме не забіваць яго, паведамілі ў следчым камітэце Беларусі.
Там у сувязі з гэтым адзначылі, што бежанцы пакідаюць свае краіны, уцякаюць ад вайны і праследавання з надзеяй пачаць у Еўропе бяспечнае, спакойнае жыццё і атрымаць прыстанішча.
"Аднак па факце выракаюць сябе на немінучую гібель", - сказалі ў СК.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Мігрант памёр пасля здзекаў польскіх пагранічнікаў
Мінпрыроды: з цяжкасцю верыцца, што загароду ў Белавежскай пушчы дэманціруюць
Беларусь адрэагуе на закрыццё Літвой пунктаў пропуску – МЗС