МІНСК, 29 жні – Sputnik. Цяпер падрыхтоўка да фіналу конкурсу "Міс Беларусь" знаходзіцца ў актыўнай фазе, заявіла ў інтэрв’ю газеце "Рэспубліка" кіраўнік Нацыянальнай школы прыгажосці Бажэна Ярэміч.
Паводле яе слоў, фіналісткі конкурсу рыхтуюцца ў інтэнсіўным рэжыме. Фактычна, яны працуюць кожны дзень з дзевяці раніцы да дзевяці вечара з адным перапынкам на абед.
"Акрамя гэтага, для іх прадугледжаны майстар-класы – па цырульніцкім майстэрстве, касметалогіі, макіяжы, дыеталогіі, аратарскім мастацтве", - расказала Ярэміч.
Пры гэтым яна адзначыла, што такім чынам дзяўчаты атрымліваюць патрэбныя веды, як даваць інтэрв’ю, у тым ліку, таму што на міжнародных конкурсах дзяўчаты да выхаду рыхтуюцца самастойна без каманды.
Цяпер дзяўчатам з падрыхтоўкай дапамагаюць 15 спецыялістаў з розных сфер, уключаючы харэографаў, спецыялістаў па вакале і запрошаных спікераў.
"У іх ліку, напрыклад, генеральны дырэктар Нацыянальнай бібліятэкі, гісторык, палітолаг і публіцыст Вадзім Гігін, палітолаг Аляксандр Шпакоўскі. Чакаюцца і іншыя спікеры", - запэўніла кіраўнік Нацыянальнай школы прыгажосці.
Пасля чаго дадала, што "вядома, мы ўсе, у тым ліку ўдзельніцы, - гэта тыя, хто любіць сваю краіну, шануе традыцыі. Але дзяўчаты павінны ўмець разабрацца ў сітуацыі, ведаць, як адказваць на каверзныя пытанні”.
На яе думку, падрыхтоўка з экспертамі дапаможа дзяўчатам раскрыць, як знешнюю прыгажосць, так і ўнутраную. Бо пераможца конкурсу павінна быць прыкладам для ўсіх дзяўчат у Беларусі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Дэфіле ў золаце і срэбры: у Мінску выбралі новую "Міс Беларусь"
Беларуска стала "Каралевай студэнцтва Саюзнай дзяржавы"
Прадстаўніца Польшчы перамагла на конкурсе "Міс свету"