МІНСК, 4 вер – Sputnik. Беларуская спартсменка Арына Сабаленка ўзначаліць рэйтынг Жаночай тэніснай асацыяцыі (WTA) па выніках Адкрытага чэмпіянату ЗША, які праходзіць у Нью-Йорку, паведамляе Sputnik.
Гэта стала магчымым дзякуючы няўдаламу выступленню польскай тэнісісткі Ігі Швёнтак, якая яшчэ пакуль што займае пазіцыю нумар адзін сусветнага рэйтынгу. Прадстаўніца Польшчы не змагла сёння выйсці ў чвэрцьфінал турніру.
Цяпер 25-гадовая беларуска незалежна ад свайго далейшага выніку на кортах у Нью-Йорку ўзначаліць рэйтынг і атрымае тытул першай ракеткі планеты.
Сабаленка згуляе за выхад у 1/4 фіналу з расіянкай Дар’яй Касаткінай. Матч пройдзе ў аўторак 5 верасня і пачнецца не раней за 2:00 па мінскім часе. Але нават калі Сабаленка прайграе Касаткінай, то ў яе ўсё роўна ачкоў будзе больш, чым у Швёнтак.
Нагадаем, раней за выхад 1/8 фіналу Сабаленкі на кортах Flushing Meadows у Нью-Йорку абыграла францужанку Клару Бюрэль (62-я ў рэйтынгу WTA) з лікам 6:1, 6:1.
Да гэтага беларуска была мацнейшай за брытанку Джодзі Берэйдж, перамогшы яе з лікам 6:3, 6:2, а таксама саперніцу з Бельгіі Марыну Занеўскую таксама з лікам 6:3, 6:2.
Запаветны тытул
Польская тэнісістка Іга Швёнтак узначаліла сусветны рэйтынг 4 красавіка 2022 года і з таго часу не апускалася ніжэй за першы радок.
Што да Сабаленкі, то яна ўпершыню стане першай ракеткай свету, а таксама 29-й тэнісісткай у свеце, якая заслужыла гэты тытул.
Як прызналася раней Сабаленка, для яе першы радок рэйтынгу – адна з мэт і летуценняў.
"Перш за ўсё, гэта проста шанс. Для мяне гэта будзе вельмі шмат значыць. Гэта адна з мэт і летуценняў", - прыводзіць словы беларускай спартсменкі афіцыйны сайт WTA.
Беларуска таксама паабяцала зрабіць усё магчымае, каб здзейсніць сваю мару.
Нагадаем, што ў лютым 2021 года ў сусветным рэйтынгу парнага разраду Сабаленка, дзякуючы перамозе ў пары з Элізе Мертэнс з Бельгіі, на Адкрытым чэмпіянаце Аўстраліі па тэнісе, упершыню ў кар’еры здолела заняць першы радок рэйтынгу. Тады Сабаленка стала другой беларускай тэнісісткай, хто ўзначаліў сусветны рэйтынг у парным разрадзе. Да гэтага аналагічны тытул быў у Наталлі Зверавай у 1991 годзе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Беларуская тэнісістка Яна Каладынска выйграла турнір W-40 у Перу
Беларусаў дапусцілі да міжнародных спаборніцтваў па бадмінтоне
Беларусь гатова дапамагчы Азербайджану ў падрыхтоўцы наступных Гульняў краін СНД