Аб’ём гандлю Беларусі з РФ у гэтым годзе можа павялічыцца да $55 млрд

МІНСК, 12 вер – Sputnik. Аб’ём узаемнага гандлю Беларусі і Расіі ў 2023 годзе можа дасягнуць паказчыка 55 млрд долараў, паведаміў кіраўнік беларускага пасольства ў Маскве Дзмітрый Крутой на адной з дыскусій у рамках Усходняга эканамічнага форуму, які праходзіць ва Уладзівастоку.

Нагадаем, паводле вынікаў мінулага года беларуска-расійскі тавараабарот вырас на 12% і склаў рэкордныя 50 млрд долараў.

Раней старшыня Палаты прадстаўнікоў Беларусі Уладзімір Андрэйчанка паведаміў, што тавараабарот паміж Беларуссю і Расіяй у першым паўгоддзі павялічыўся на 3,5 млрд долараў і дасягнуў 23,5 млрд долараў.

"Гэта вельмі сур’ёзныя паказчыкі", - падкрэсліў спікер ніжняй палаты беларускага парламента.

Беларусь экспартуе ў Расію прадукцыю машынабудавання, прадукты харчавання, сельскагаспадарчую тэхніку і абсталяванне.

Імпартуе вуглевадароды, хімічную і цэлюлозна-папяровую прадукцыю, лекі.

Ганлёвы прадстаўнік Расіі ў Беларусі Юрый Залатароў у сваю чаргу паведаміў, што Чэлябінская вобласць – адзін з самых актыўных рэгіёнаў Расіі па супрацоўніцтву з Беларуссю. Таксама ў тройку лідараў уваходзяць Ніжагародская вобласць і Башкортастан.

Паводле яго інфармацыі, расійскі экспарт у Беларусь апошнім часам падае. Гэта звязана са зніжэннем паставак нафты і газу ў рэспубліку. У тым ліку адна з прычын зніжэння па вуглевадародах – запуск БелАЭС.

Агульны экспарт Расіі ў Беларусь за студзень-чэрвень 2023 года склаў больш за 9,8 мільярда долараў, гэта на 8,2% менш, чым за першую палову мінулага года. У той жа час неэнергетычны экспарт вырас на 4,8%, дасягнуўшы за паўгода 7 млрд у доларавым эквіваленце.