У сераду раніцай стала вядома аб дэпартацыі з краіны кіраўніка Sputnik Малдовы Віталія Дзянісава. "Фармуліроўка, указаная ў дакументах аб дэпартацыі і якая стала здабыткам грамадскасці, утрымлівае выраз "пагроза нацыянальнай бяспецы". На жаль, але пасля шматразовых высылак з Малдовы дыпламатаў, артыстаў, музыкантаў, пісьменнікаў, навукоўцаў з розных краін свету – афіцыйная версія, якая высоўваецца рэжымам, не можа выклікаць у грамадстве ніякага даверу", - напісаў у сацсетках гагаузскі грамадскі дзеяч Віктар Пятроў.
Сітуацыю са "свабодай слова" ў Малдове пракаменціравала журналіст Алена Лявіцкая-Пахомава.
"У нас дэмакратыя такая трансфарміраваная і спецыфічная, у нас дэмакратыя – гэта пазбаўленне права на працу, дэпартацыя людзей. Дарэчы, удакладняю, ён (Дзянісаў – Sputnik) не ўяўляе небяспекі, а "патэнцыяльна можа ўяўляць небяспеку". Аказваецца, патэнцыяльны парушальнік – хутка у нас і за гэта будуць прыцягваць… Вось так выглядае ў нас дэмакратыя", - гаворыць субяседніца Sputnik.
Паводле слоў журналіста, на тэлебачанні і радыё Малдовы ўведзена практычна татальная цэнзура, акрамя таго, у краіне існуе савет па тэлебачанні і радыё, які закрываў тэлеканалы з фармуліроўкай "падтрымка праз маўчанне".
"Нагоды для ўздзеяння могуць выдумляцца якія заўгодна. Напрыклад, у нас выслалі расійскіх дыпламатаў за тое, што на даху пасольства Расіі стаяць антэны, мала таго, улады падключылі свае кішэнныя СМІ і (выслалі дыпламатаў – Sputnik) на падставе артыкула, які нібыта расследаваў, што патэнцыяльна, магчыма, яны нешта перадаюць", - распавядае субяседніца.
Пакуль што, паводле слоў Лявіцкай-Пахомавай, журналісты ў Малдове "актыўна сыходзяць у Telegram, таму што туды цэнзура не можа дацягнуцца", але і гэта не заўсёды для іх бяспечна.
"Нават з-за Telegram у нас у мінулым годзе былі затрыманні на нейкі кароткі перыяд, такія акцыі запалохвання людзей, і гэта не абавязкова журналісты, проста лідары грамадскай думкі, якія выказвалі сваю пазіцыю", - кажа Лявіцкая-Пахомава.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Часовы павераны Малдовы ў Маскве выкліканы ў МЗС Расіі
Кіраўніка Sputnik Малдова Віталія Дзянісава дэпартуюць з краіны
Служба інфармацыі і бяспекі заблакіравала сайты Sputnik Малдова