МІНСК, 15 вер – Sputnik. Урачыстыя мерапрыемствы з нагоды 400-годдзя аднаго з самых старажытных праваслаўных манастыроў Беларусі – Свята-Багаяўленскага Куцеінскага мужчынскага манастыра – праходзяць у Оршы.
"Сёння ў Оршу прыбыў Мітрапаліт Мінскі і Заслаўскі Веніямін, Патрыяршы Экзарх усяе Беларусі, які ўзначаліў Боскую літургію ў храме манастыра", - паведамілі Sputnik у пятніцу ў Беларускім экзархаце.
Урачыстасці з нагоды юбілею манастыра пачаліся яшчэ некалькі дзён таму, сёння асноўны дзень, расказалі ў экзархаце. Там адзначылі, што пасля літургіі ў манастыры пройдуць экскурсіі, а таксама "Куцеінскія чытанні", у рамках якіх манах Аўраам прэзентуе сваю навуковую працу па гісторыі манастыра з пачатку XVII стагоддзя да пачатку XX-га.
Акрамя гэтага, пройдзе гашэнне маркі ў гонар 400-годдзя заснавання манастыра.
Мерапрыемствы, прымеркаваныя да гэтай круглай даты, праходзяць у горадзе. У прыватнасці, у Музеі гісторыі і культуры Оршы адкрыта выстава ўнікальных артэфактаў, звязаных з манастыром.
Сярод іх унікальныя старажытныя друкаваныя выданні, якія прадставіла Нацыянальная бібліятэка Беларусі. Гэта "Новы запавет" 1652 года, факсімільная копія Куцеінскага буквара, які быў надрукаваны ў сярэдзіне XVII стагоддзя, расказалі ў экзархаце. Там удакладнілі, што Куцеінскі буквар лічыцца першым букваром, выдадзеным на тэрыторыі Беларусі.
Мерапрыемствы, прымеркаваныя да 400-годдзя манастыра, працягнуцца яшчэ некалькі дзён і завершыць іх хрэсны ход, які адбудзецца 18 верасня. У гэты дзень адзначаецца свята Аршанскага абраза Божай Маці, нябеснай заступніцы аднаго са старажытных гарадоў беларускай зямлі.
Свята-Багаяўленскі Куцеінскі мужчынскі манастыр быў заснаваны ў верасні 1623 года. У пачатку сваёй гісторыі ён быў лаўрай, дзе жылі да 200 манахаў. Куцеінскага ігумена лічылі самым галоўным над усімі беларускімі манастырамі.
Такую назву манастыр атрымаў, таму што стаіць на беразе ракі Куцеінка, якая ўпадае ў Днепр.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках Юбілей храма Святога Аляксандра Неўскага адсвяткавалі ў Мінску – відэа"Одноклассники" і "ВКонтакте"
Таксама на Sputnik:
Юбілей храма Святога Аляксандра Неўскага адсвяткавалі ў Мінску – відэа
Мінская рымска-каталіцкая епархія адзначае 225-годдзе
Ад Уладзівастока да Брэста: Хрэсны ход пройдзе праз 27 гарадоў Беларусі і РФ