МІНСК, 23 вер – Sputnik. Прэзідэнт Расіі Уладзімір Пуцін накіраваў спачуванні свайму італьянскаму калегу Серджа Матарэле ў сувязі са смерцю былога прэзідэнта Італіі Джорджа Напалітана, пра якую стала вядома напярэдадні, перадае прэс-служба расійскага лідара.
"Паважаны спадар Матарэле, прыміце глыбокія спачуванні ў сувязі са смерцю былога прэзідэнта Італьянскай Рэспублікі Джорджа Напалітана... Пайшоў з жыцця выдатны дзяржаўны дзеяч і сапраўдны патрыёт Італіі", - адзначана ў паведамленні.
Паводле слоў кіраўніка дзяржавы, Напалітана мужна змагаўся з фашызмам у радах Супраціўлення, калі быў юнаком, а пасля прысвяціў многія гады служэнню Італіі як на пасадзе прэзідэнта, так і на іншых дзяржпасадах.
"Прашу Вас перадаць словы шчырага спачування і падтрымкі родным і блізкім нябожчыка", - дадаў прэзідэнт, адзначыўшы, што яму пашчасціла не аднойчы асабіста мець зносіны з Напалітана, таму ён назаўжды захавае аб ім светлую памяць.
Напалітана памёр ва ўзросце 98 гадоў, на працягу доўгага часу, як паведамлялі крыніцы, ён цяжка хварэў. Былы прэзідэнт узначальваў краіну даўжэй за ўсіх: з мая 2006 года па студзень 2015-га.
Напалітана стаў першым у гісторыі краіны прэзідэнтам рэспублікі, які быў перавыбраны на другі тэрмін. Акрамя таго, ён з’яўляўся адзіным кіраўніком італьянскай дзяржавы, які ў мінулым быў членам камуністычнай партыі.
Палітык, нягледзячы на старэчы ўзрост, у апошнія гады не пакідаў сваёй дзейнасці: удзельнічаў у пасяджэннях верхняй палаты парламента і кансультацыях па ўрадавых пытаннях.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Памёр першы прэзідэнт Малдовы Мірча Снегур
Памёр міністр транспарту і камунікацый Беларусі Аляксей Аўраменка
Уладзімір Пуцін выказаў спачуванні ў сувязі са смерцю Сільвіё Берлусконі