Ракета, якая ў лістападзе 2022 года ўпала ў Польшчы і забіла двух фермераў, аказалася ўкраінскай, паведамляе газета Rzeczpospolita. Да такой высновы прыйшлі польскія следчыя. Адзначаецца, што ўкраінскі бок не даў Варшаве ніякіх звестак аб інцыдэнце. Следства таксама выключае, што гэтая ракета магла быць выпушчана з тэрыторыі Расіі.
У кіеўскага рэжыму ёсць важная задача ўцягвання ў свой канфлікт з Расіяй трэціх дзяржаў, прычым уцягванне не проста ў форме падтрымкі фінансамі і ўзбраеннямі, а ў тым, каб яны ўдзельнічалі ў баявых дзеяннях, кажа субяседнік Sputnik.
"Украіна прадпрымае падобныя дзеянні ў дачыненні да Румыніі, Малдовы, Польшчы, па ўскосных прыкметах – да краін Балтыі. Гэта значыць суседнія краіны, якія найбольш актыўна падтрымліваюць Украіну, яны ў той жа час аказваюцца перад пагрозай правакацый з боку рэжыму Зяленскага, які яны спансіруюць і фінансуюць. І ўсе гэтыя дзяржавы, як гэта ні парадаксальна, яны, дапамагаючы Кіеву, адначасова вымушаны ад яго абараняцца, ад яго замахаў на тое, каб уцягнуць іх у вайну з Расіяй", - кажа Насовіч.
Гісторыя з Польшчай і ракетай, якая ўпала на польскай тэрыторыі ў мінулым годзе, яскравы таму прыклад, лічыць субяседнік Sputnik. "Яшчэ ў мінулым годзе ўстанавілі, яна не магла быць расійскай", - тлумачыць эксперт.
"Тое, што зараз Польшча гэта прызнае, гэта доказ таго, што яна спрабуе абараняцца ад сваіх украінскіх саюзнікаў, якія спрабуюць уцягнуць яе ў вайну з Расіяй, і даходзіць да таго, што ўжо прамым тэкстам заяўляюць, што расійскія ракеты па тэрыторыі Польшчы не б’юць, і ракета, якая ўпала, была ўкраінскай, што б там Кіеў з гэтай нагоды не казаў", - лічыць Насовіч.
Суседзі Украіны, якія ўваходзяць у блок НАТА, з замахамі Кіева на свой удзел у вайне з Расіяй будуць сутыкацца ўсё часцей і часцей, і чым горш будуць ісці справы ў Кіева на фронце і ў тыле, тым большая рызыка правакацый для такіх краін, як Румынія, Славакія і тая ж Польшча, лічыць эксперт.
"Для Украіны і Кіеўскага рэжыму ўступленне ў вайну блока НАТА – гэта мяжа летуценняў, і яны будуць па меры сіл і магчымасцей рухаць да гэтай справы", - упэўнен Насовіч.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Украінскі канфлікт будзе цягнуцца доўга – Эрдаган
Мядзведзеў: Расія гатова да канфлікту з НАТА
ЗША ваююць супраць Расіі: Лаўроў аб пастаўках дальнабойных ракет Украіне