МІНСК, 4 кас – Sputnik. Беларусь і Нікарагуа нарасціць узаемны тавараабарот, заявіў міністр фінансаў і дзяржаўнага крэдыту Нікарагуа Іван Адольфа Акоста Мантальван па выніках трэцяга пасяджэння сумеснай камісіі па гандлёва-эканамічным супрацоўніцтве дзвюх краін у Мінску, перадае Sputnik.
"Нікарагуа будзе з’яўляцца своеасаблівым хабам для экспарту беларускай прадукцыі на рынкі Лацінскай Амерыкі і Цэнтральнай Амерыкі", - сказаў прадстаўнік Нікарагуа.
Міністр нагадаў, што ў Нікарагуа ёсць выхад да акіяна і партовая інфраструктура. Беларусь можа ёю скарыстаць разам з іншымі гандлёвымі партнёрамі. У тым ліку размова ідзе аб пастаўках тэхнікі з Беларусі.
Пры гэтым Нікарагуа спадзяецца не толькі на супрацоўніцтва ў гандлі, але таксама культуры і навуцы. Акрамя таго, бакі абмеркавалі супрацоўніцтва паміж сталіцамі дзвюх краін.
У сваю чаргу намеснік міністра замежных спраў Беларусі Яўген Шастакоў адзначыў, што цяперашняя сустрэча ў Мінску – першая ў такім фармаце за апошнія восем гадоў. Дамоўленасць аб аднаўленні працы сумеснай камісіі была дасягнута ў ліпені гэтага года падчас візіту міністра замежных спраў Сяргея Алейніка ў Нікарагуа.
Сам факт аднаўлення камісіі, як лічыць намеснік міністра, наглядна паказвае зацікаўленасць абедзвюх краін у супрацоўніцтве.
"Беларусь разглядае Нікарагуа ў якасці важнага палітычнага і гандлёва-эканамічнага партнёра ў Лацінаамерыканскім рэгіёне, надзейнага саюзніка на міжнароднай арэне", - падкрэсліў Шастакоў.
Па словах намесніка міністра замежных спраў Беларусі, дзвюм краінам ёсць, што прапанаваць адна адной. Больш за тое, беларускі бок бачыць у двухбаковых адносінах патэнцыял стратэгічнага партнёрства.
Гаворачы аб гандлёвым супрацоўніцтве, Шастакоў зрабіў акцэнт на тэхніцы.
"Перакананы, што нашы знакамітыя трактары і грузавікі будуць запатрабаваны ў Нікарагуа для рэалізацыі амбіцыйных інфраструктурных праектаў", - падкрэсліў намеснік кіраўніка МЗС Беларусі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Беларусь будзе заключаць з Афрыкай дарожныя карты
МЗС Беларусі правядзе перагаворы з Дамініканай па адмене віз
Беларусь разглядае санкцыі як сучасную форму неакаланіялізму – Алейнік