МІНСК, 18 кас – Sputnik. Расійская "Президентская библиотека имени Б. Н. Ельцина" зацікаўлена ў маштабных гуманітарных праектах з Рэспублікай Беларусь, пра гэта расказаў яе генеральны дырэктар Юрый Носаў у мультымедыйным прэс-цэнтры Sputnik Беларусь.
Гэтымі днямі ў Беларусі з афіцыйным візітам знаходзіцца дэлегацыя ФДБУ "Президентская библиотека имени Б. Н. Ельцина".
Носаў адзначыў, што бібліятэка была адкрыта ў Санкт-Пецярбургу 27 мая 2009 года і функцыянуе як агульнадзяржаўнае электроннае сховішча лічбавых копій важнейшых дакументаў па гісторыі, тэорыі і практыцы расійскай дзяржаўнасці, рускай мове, а таксама як культурна-асветніцкі, навукова-адукацыйны і інфармацыйна-аналітычны цэнтр, які мае статус нацыянальнай бібліятэкі Расіі.
"Сёння мы дамовіліся і падпісваем пагадненне аб адкрыцці Цэнтра аддаленага доступу ў шэрагу ключавых бібліятэк Беларусі. Вельмі значная падзея. Нам ёсць што паказаць, аб чым расказаць, падзяліцца вопытам", - адзначыў генеральны дырэктар.
Маштабны праект, як адзначылі ўдзельнікі сустрэчы, быў распрацаваны і рэалізаваны пры падтрымцы Рускага Дома ў Беларусі.
"Гэта важна ў першую чаргу тым, што прэзідэнцкая бібліятэка мае вялізны электронны фонд дакументаў, у тым ліку старажытных. І цяпер да гэтага вялізнага масіву інфармацыі, да гэтых скарбаў нашай культурнай гістарычнай спадчыны будзе мець магчымасць далучыцца шырокае кола беларускіх чытачоў практычна ва ўсіх рэгіёнах рэспублікі", - адзначыў кіраўнік прадстаўніцтва Рассупрацоўніцтва ў Беларусі Юрый Макушын.
Доступ да рэсурсаў прэзідэнцкай бібліятэкі атрымалі не толькі сталічныя, але і абласныя і шэраг раённых бібліятэк, напрыклад, у Оршы і Слуцку.
Удзельнікі сустрэчы адзначылі, што раней, каб атрымаць доступ да дакументаў, трэба было ехаць у Санкт-Пецярбург, заказваць літаратуру і там жа з ёй працаваць. Цяпер жа ўсё можна будзе зрабіць праз кропку выдаленага доступу.
"Мы электронная бібліятэка, перш за ўсё. Таму, адкрываючы цэнтр аддаленага доступу, мы даем магчымасць адразу азнаёміцца з усімі фондамі на 100%", - растлумачыў Носаў.
Паводле яго слоў, цяпер прэзідэнцкая бібліятэка адкрыла больш за 1 500 цэнтраў аддаленага доступу на тэрыторыі Расійскай Федэрацыі. Яшчэ каля 50 цэнтраў працуюць у 33 краінах.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Новыя праекты Расіі і Беларусі ў бібліятэчнай сферы – відэа
Кнігу аб генацыдзе савецкага народа прэзентавалі ў Брэсце