Ізраільскія вайскоўцы разбамбілі адну з найстаражытных цэркваў у Газе

МІНСК, 20 кас – Sputnik. Узброеныя сілы Ізраіля разбурылі грэчаскую праваслаўную царкву Святога Парфірыя на тэрыторыі сектара Газа, паведаміла дзяржтэлерадыёкампанія Грэцыі ERT.

Манастыр быў знішчаны ў выніку бамбардзіровак. Гэта пацвердзіў Іерусалімскі патрыярхат, які апублікаваў фота разбуранай царквы ў Газе пасля ўдару, і абвінаваціў Ізраіль у ваенным злачынстве.

Па паведамленні тэлеканала, у храме знаходзілася 50 чалавек, большасць з іх – дзеці і жанчыны.

"Міністэрства ўнутраных спраў у Газе паведаміла аб абвальванні будынка грэчаскай праваслаўнай царквы Святога Парфірыя ў цэнтральным горадзе Газы ў выніку ізраільскіх рэйдаў і пацвердзіла наяўнасць параненых сярод людзей, якія схаваліся ў царкве", - сказалі ў эфіры.

Епіскап Іерусалімскай праваслаўнай царквы Архіепіскап Тыверыядскі Алексій у сваю чаргу адзначыў, што ёсць загінулыя. Паводле яго слоў, з-за пападання ракеты будынак абрушыўся.

Вядома, што ў манастыры пражывае больш за 400 чалавек. Па інфармацыі мясцовых СМІ, пад руінамі могуць знаходзіцца дзесяткі людзей.

Найстаражытная царква

Царква святога Парфірыя ў Газе належыць грэчаскай праваслаўнай царкве. Гэта адна з найстаражытных цэркваў у рэгіёне, яна была пабудавана ў пачатку V стагоддзя н.э. і некалькі разоў перабудоўвалася.

Прэм’ер Грэцыі Кірыякас Міцатакіс раней на сустрэчы з патрыярхам Канстанцінопальскім Варфаламеем паведаміў, што ўрад падтрымлівае кантакт з ізраільскім бокам, каб абараніць царкву ў Газе ад удараў арміі Ізраіля.

Што зараз адбываецца ў Ізраілі і сектары Газа

Палесціна-ізраільскі канфлікт абвастрыўся 7 кастрычніка. Палесцінскі рух ХАМАС, які кантралюе сектар Газа, абстраляў ракетамі тэрыторыю Ізраіля. У адказ ізраільская армітя атакавала Газу.

Канфлікт працягваецца да гэтага часу, яго ахвярамі ўжо сталі некалькі тысяч чалавек з абодвух бакоў, у тым ліку трое выхадцаў з Беларусі.

Бакі пакуль што не пачалі перагаворы, аднак да гэтага заклікалі ў тым ліку ў беларускім парламенце.

>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"

Таксама на Sputnik:

Захарава: ЗША доўга падманвалі свет пад выглядам барацьбы за свабоду і дэмакратыю

Па свеце прайшла хваля пратэстаў пасля ўдару па бальніцы ў Газе

Пуцін падтрымаў стварэнне суверэннай палесцінскай дзяржавы