МІНСК, 24 кас – Sputnik. Праваахоўныя органы краін АДКБ узмацняюць супрацьдзеянне транзіту наркотыкаў па паўночным маршруце, заявіў журналістам намеснік генсакратара АДКБ Валерый Семерыкоў.
"Не адкрыю сакрэт, што асноўны аб’ём наркотыкаў паступае на тэрыторыю і нашых дзяржаў, і іншых – па паўночным маршруце, з Афганістана", - сказаў ён.
Паводле слоў Семерыкова, супрацьдзеянню наркатрафіку па афганскім маршруце ў краінах АДКБ удзяляецца вялікая ўвага.
"Некалькі гадоў мы распрацоўваем вельмі важную, складаную мэтавую праграму па ўмацаванні таджыка-афганскай мяжы. Не хачу забягаць наперад, але яна сёння ў высокай ступені гатоўнасці. І мы зробім усё для таго, каб яна была прынята кіраўнікамі дзяржаў", - сказаў намеснік генсакратара АДКБ.
Семерыкоў таксама адзначыў, што сітуацыя, якая склалася ў сектары Газа, можа паўплываць на сітуацыю з наркатрафікам у зоне адказнасці АДКБ.
"Любая сітуацыя, любы канфлікт у любым пункце свету ў сучасных умовах уплывае на ўсе сферы дзейнасці, у тым ліку і нашых дзяржаў", - сказаў Семерыкоў, адказваючы на пытанне Sputnik.
Закранаючы работу, якая праводзіцца краінамі АДКБ у сферы барацьбы з распаўсюджваннем наркотыкаў, ён прывёў даныя вынікаў дзвюх аперацый "Канал" у 2023 годзе, калі з незаконнага абароту было выключана амаль дзве тоны розных наркатычных рэчываў.
Семерыкоў нагадаў, што ў 2023 годзе Беларусь старшынствуе ў АДКБ і за гэты час былі выкананы на 100% усе праграмы, звязаныя з процідзеяннем незаконнаму абароту наркотыкаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"