МІНСК, 31 кас – Sputnik. Спеццягнік "Беларускі ваяж" зноў прыбудзе ў рэспубліку 4 лістапада, паведаміла прэс-служба Беларускай чыгункі.
Адпраўным пунктам чыгуначнага круізу будзе Масква, ад Беларускага вакзала цягнік адправіцца ўвечары 3 лістапада. Раніцай наступнага дня ён прыбудзе ў Брэст, дзе пасажыры змогуць наведаць Брэсцкую крэпасць, музей "5 Форт" і пабываць у Белавежскай пушчы.
Пасля гэтага турыстычны састаў возьме курс на Мінск, дзе падарожнікаў таксама чакае насычаная праграма – прагулка па Верхнім горадзе, шоп-тур і асобная экскурсія ў Мір і Нясвіж.
Маршрут разлічаны на чатыры дні і тры ночы. Кошт паездкі стартуе ад 38 400 расійскіх рублёў (1 300 беларускіх).
Гэта будзе дзесяты рэйс круізнага цягніка ў Беларусь. Упершыню ён адправіўся ў шлях з Масквы ў рэспубліку ў жніўні 2022 года, з таго часу ім перавезена амаль тры тысячы пасажыраў-турыстаў.
У 2024 годзе расійскія і беларускія чыгуначнікі плануюць уключыць у праграму новыя турыстычныя аб’екты і славутасці, у тым ліку экскурсіі на прамысловыя прадпрыемствы Беларусі.
Цягнік-атэль
Гэты чыгуначны круіз з’яўляецца сумесным праектам холдынга "РЖД" і Беларускай чыгункі.
Падарожжа арганізавана ў фармаце "цягнік-атэль": ноччу пасажыры едуць да месца назначэння, а днём гуляюць па турыстычных месцах.
Цягнік абсталяваны вялікімі і малымі душавымі кабінамі, мае два вагоны СВ і сем купэ, а таксама вагон-рэстаран. Прадугледжаны таксама вагон з купэ для маламабільных пасажыраў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Доўгія выхадныя чакаюць беларусаў у лістападзе, але адзін дзень давядзецца адпрацаваць
БЧ прызначыла 100 дадатковых цягнікоў на лістападаўскія святы
Белстат назваў самыя папулярныя напрамкі ў беларускіх турыстаў