МІНСК, 2 ліс – Sputnik. Прэзідэнт Беларусі Аляксандр Лукашэнка праводзіць сёння нараду з кіраўнікамі сілавога блока краіны, паведамляе Telegram-канал "Пул Першага".
На нарадзе ў кіраўніка дзяржавы прысутнічаюць кіраўнік адміністрацыі прэзідэнта Ігар Сяргеенка, дзяржаўны сакратар Савета бяспекі Аляксандр Вальфовіч, генеральны пракурор Андрэй Швед, кіраўнік Следчага камітэта Дзмітрый Гара і кіраўнік КДБ Іван Церцель.
Таксама там прымаюць удзел міністр абароны Віктар Хрэнін, міністр унутраных спраў Іван Кубракоў, старшыня ДПК Канстанцін Моластаў, начальнік Аператыўна-аналітычнага цэнтра пры прэзідэнце Андрэй Паўлючэнка, камандуючы ўнутранымі войскамі МУС Мікалай Карпянкоў і старшыня Вярхоўнага суда Беларусі Валянцін Сукала.
Асноўным пытаннем на нарадзе ў кіраўніка дзяржавы стала стварэнне вайсковых пракуратур.
"Тэма сённяшняга мерапрыемства – ваенная пракуратура. Не буду характарызаваць абстаноўку ў свеце: вы цудоўна яе ведаеце. Проста нагадаю, што ў 2014 годзе было прынята рашэнне аб ліквідацыі сістэмы ваенных пракуратур", - цытуе кіраўніка дзяржавы БелТА.
Нагадаем, што ў 2014 годзе пасля ліквідацыі Ваеннай пракуратуры нагляд у арміі і іншых вайсковых фарміраваннях сталі весці грамадзянскія пракуроры.
"Паўстае заканамернае пытанне: а цяпер абстаноўка ў гэтых галінах змянілася?", - задаў пытанне кіраўнік дзяржавы, пачынаючы размову з сілавікамі.
Паводле яго слоў, галоўным пытаннем, на якое трэба даць адказ – ці неабходна сёння ўзнаўляць ваенную пракуратуру.
Кіраўнік дзяржавы раней заяўляў, што мае намер да канца бягучага года сабраць кіраўнікоў сілавога блока на нараду па актуальных пытаннях. У прыватнасці, такая інфармацыя прагучала на працоўнай сустрэчы прэзідэнта з генеральным пракурорам летам гэтага года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Закон аб SMS-павестках прынялі ў Беларусі ў першым чытанні
Мезенцаў: работа над канцэпцыяй бяспекі Саюзнай дзяржавы ідзе
Хрэнін: тэрарысты адваёўваюць месца, пакуль глабальныя сілы змагаюцца