У расійскай сталіцы ў сераду праходзіць ХI сустрэча сакратароў Саветаў бяспекі краін-удзельніц СНД, паводле слоў расійскага прэзідэнта, такія сустрэчы праводзяцца рэгулярна, кіраўнікі Саветаў бяспекі нададуць увагу сітуацыі ў рэгіёне і ў свеце ў цэлым, асабліва пытанням вострых канфліктаў, а таксама абмяняюцца вопытам і напрацоўкамі ў забеспячэнні бяспекі.
Пуцін звярнуў увагу на вельмі складаную міжнародную абстаноўку, што ўспыхнулі ачагі канфліктаў, у прыватнасці, палесціна-ізраільскі, і дадаў, што "глабальная нестабільнасць праецыруецца і на Еўразію".
"Дзеянні некаторых дзяржаў прама накіраваны на разладжванне ў краінах СНД легітымнай улады, грамадскай стабільнасці і традыцыйных каштоўнасцей, на парушэнне нашых традыцыйна цесных гандлёвых, кааперацыйных, культурных сувязей", - заявіў Пуцін.
Ён таксама нагадаў аб перманентных пагрозах тэрарызму і аргзлачыннасці, наркатрафіку і праявах радыкалізму, а таксама іншых праблемных момантах. Па словах расійскага прэзідэнта, увесь набор знешніх і ўнутраных пагроз у сучасных умовах патрабуе ад краін дакладных і зладжаных сумесных дзеянняў у забеспячэнні бяспекі. У тым ліку, неабходна максімальна выкарыстоўваць прагнозны і інфармацыйна-аналітычны патэнцыял Саветаў бяспекі для ацэнкі пагроз і іх прадухілення, лічыць Пуцін.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Пуцін заявіў аб пагрозах разладжвання ўлады ў шэрагу краін СНД
Міжнародная канферэнцыя па бяспецы ў Мінску – поўная версія
Расія запытала пасяджэнне Савета бяспекі ААН пасля ўдараў Кіева па Данецку