МІНСК, 22 ліс – Sputnik. Верхняя палата беларускага парламента ў сераду адобрыла законапраект "Аб ратыфікацыі Мемарандума аб абавязацельствах Рэспублікі Беларусь у мэтах атрымання статусу дзяржавы-члена Шанхайскай арганізацыі супрацоўніцтва", паведамляе афіцыйны Telegram-канал Савета Рэспублікі.
Там адзначаецца, што мемарандум, падпісаны 4 ліпеня 2023 года ў Нью-Дэлі, з’яўляецца міжнародным дагаворам.
"Палажэнні гэтага Мемарандума адпавядаюць інтарэсам нашай дзяржавы. Паўнапраўнае членства ў ШАС умацуе знешнепалітычнае і эканамічнае становішча Рэспублікі Беларусь як у азіяцкім рэгіёне, так і на глабальным узроўні, пазітыўна збалансуе адносіны Беларусі са стратэгічнымі саюзнікамі – Расіяй і Кітаем, пашырыць падставы для канструктыўнага ўзаемадзеяння і супрацоўніцтва з іншымі дзяржавамі-членамі Арганізацыі, уключаючы Індыю", - падкрэсліваецца ў паведамленні.
Згодна з мемарандумам, Беларусь абавязуецца выконваць мэты і прынцыпы дакументаў, прынятых у рамках ШАС. Гэта значыць рэспубліка далучыцца да Хартыі ШАС, да канвенцыі гэтай арганізацыі аб барацьбе з тэрарызмам, сепаратызмам і экстрэмізмам і пратаколам да гэтых дакументаў не пазней за 1 снежня 2023 года.
Потым да 15 студзеня і 15 красавіка 2024 года, Беларусь далучыцца да шэрага іншых дакументаў ШАС.
Мемарандум павінен прайсці ратыфікацыю ва ўсіх дзевяці краінах-членах Арганізацыі. На сёння ён ратыфікаваны пяццю з іх – Індыяй, Пакістанам, Расіяй, Таджыкістанам і Узбекістанам.
Нагадаем, аб жаданні ўступіць у ШАС рэспубліка, якая мае статус назіральніка ў Арганізацыі, заявіла ў 2021 годзе, а працэс далучэння пачаўся ў 2022 годзе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Лебедзеў: уваходжанне Беларусі ў ШАС умацуе яе міжнародныя пазіцыі
Мінск прапанаваў ШАС выступіць супраць санкцый у жыццёва важных сферах
Беларусь плануе ўдзельнічаць у развіцці энергетычнай палітыкі ШАС