МІНСК, 7 сне – Sputnik. Беларусь плануе пабудаваць у В’етнаме завод па выпуску малочнай прадукцыі, якая запатрабавана ва ўсім свеце, заявіў кіраўнік беларускага ўрада Раман Галоўчанка падчас наведвання правінцыі Хынген.
У чацвер 8 снежня ён правёў сустрэчу з сакратаром Партыйнага камітэта рэгіёна Нгуенам Хыу Нгіа, на якой абмяркоўваліся пытанні эканамічнага ўзаемадзеяння дзвюх краін.
"Сёння нам прэзентавалі праект будаўніцтва завода па вытворчасці малочных прадуктаў з выкарыстаннем беларускіх тэхналогій і беларускага сухога малака. Плануецца, што там будзе вырабляцца вялікі аб’ём папулярных ва ўсім свеце малочных прадуктаў, такіх як ёгурты, марожанае, масла, сыры і гэтак далей", - сказаў Галоўчанка.
Ён таксама звярнуўся да сакратара з просьбай пасадзейнічаць у больш хуткім афармленні неабходных дазвольных дакументаў для пачатку праекта.
"Яго рэалізацыя надасць не толькі новыя інвестыцыі рэгіёну, але і павысіць валавы рэгіянальны прадукт", - сказаў прэмъер.
Галоўчанка падкрэсліў, што менавіта ў правінцыі Хынген пачалі функцыянаваць першыя вытворчасці з прыцягненнем беларускіх тэхналогій. У прыватнасці, працуе прадпрыемства "МАЗ Азія" – пакуль самая буйная пляцоўка з удзелам Беларусі на тэрыторыі В’етнама.
Кіраўнік беларускага ўрада выказаў спадзяванне, што пры падтрымцы кіраўніцтва правінцыі яна будзе развівацца далей.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Беларусь і В’етнам падпісалі праграму супрацоўніцтва на бліжэйшыя гады
Лукашэнка назваў напрамкі для супрацоўніцтва Беларусі і В’етнама
У чырвоным зарыве камунізму. З'езд Кампартыі В'етнама вызначыў будучыню