Фота

У чырвоным зарыве камунізму. З'езд Кампартыі В'етнама вызначыў будучыню

Кіруючая Камуністычная партыя В'етнама правяла 13-ты ўсенародны з'езд, дэлегаты якога вызначылі як жыць краіне ў наступныя дзве пяцігодкі. Глядзіце ў фотастужцы Sputnik Беларусь.

Адна з апошніх краін свету, якая захоўвае вернасць ідэалам сацыялізму, выглядала ў гэтыя дні ў лепшых традыцыях "кумачовага" СССР: паўсюль пунсовы колер, серп і молат, правадыры сусветнага пралетарыяту Карл Маркс і Уладзімір Ленін, залатыя зоркі і размашыстыя плакаты, з якіх бадзёра глядзяць простыя в'етнамскія будаўнікі камунізму.

З 25 студзеня па 1 лютага ў В'етнаме праводзіў працу XIII з'езд камуністычнай партыі, які вызначыў будучыню краіны: напрамкі і задачы сацыяльна-эканамічнага развіцця на 2021-2025 гады, мэты і арыенціры развіцця дзяржавы да 2030 года, калі будзе адзначацца стагоддзе заснавання КПВ, і канцэпцыю бачання нацыянальнага развіцця да 2045 года - года стагоддзя стварэння Дэмакратычнай Рэспублікі В'етнам (ДРВ), цяпер Сацыялістычнай Рэспублікі В'етнам.

Адной з задач з'езда стала зацвярджэнне знешнепалітычнага курсу краіны, вымушанай балансаваць паміж двума цэнтрамі сілы, з якімі В'етнам у розныя гады знаходзіўся ў стане вайны або ўзброенага канфлікту, - ЗША і Кітаем.

Усебеларускі народны сход - Sputnik Беларусь, 1920, 07.02.2021
Стала вядома, як выглядае трыбуна Усебеларускага сходу

У працы 13-га партз'езда прынялі ўдзел 1 587 дэлегатаў з усёй краіны. На з'ездзе быў абраны новы склад кіруючых органаў КПВ і вышэйшае партыйна-дзяржаўнае кіраўніцтва.

В'етнамская эканоміка паказвае ўстойлівую станоўчую тэндэнцыю. Дзякуючы праведзеным у краіне ліберальным эканамічным рэформам в'етнамская мадэль прадэманстравала сваю эфектыўнасць, дазволіўшы адысці ад жорсткага дзяржкантролю і ўстаць на шлях заваёвы знешніх рынкаў.

Так, па дадзеных В'етнамскага інстытута эканомікі, рост ВУП краіны ў 2021 годзе дасягне 6,9%, што на 0,4 пункта вышэй мэтавага паказчыка, раней вызначанага ўрадам. Гэтыя лічбы супадаюць з ацэнкай Сусветнага банка, згодна з якой у бягучым годзе эканамічны рост у В'етнаме складзе 6,8%. Многія прадпрымальнікі перанеслі свой бізнэс з Кітая ў В'етнам. Такі рух капіталаў таксама надаў паскарэнне мясцовай эканоміцы, у прыватнасці лёгкай прамысловасці.

Пандэмія каронавіруса пакуль амаль не закранула В'етнам дзякуючы дысцыпліне і мерам строгай сацыяльнай ізаляцыі. Акрамя таго, у лютым В'етнам пачне выпрабаванне ўжо другі нацыянальнай вакцыны Covivac (даследаванні першай вакцыны Nanocovax стартавалі яшчэ ў снежні мінулага года).

Перадрукоўка дадзенага матэрыялу дапускаецца толькі з пісьмовага дазволу рэдакцыі Sputnik Беларусь.

© REUTERS / KHAMПлакат да 13-га з'езда кіруючай Камуністычнай партыі В'етнама ў Ханоі.
13-ы з'езд кіруючай Камуністычнай партыі В'етнама - Sputnik Беларусь
1/15
Плакат да 13-га з'езда кіруючай Камуністычнай партыі В'етнама ў Ханоі.
© REUTERS / KHAMПаліцэйскі ў ахове Нацыянальнага цэнтра Ханоя - месца правядзення з'езду. Партыйны форум адбыўся з 25 студзеня да 1 лютага.
13-ы з'езд кіруючай Камуністычнай партыі В'етнама - Sputnik Беларусь
2/15
Паліцэйскі ў ахове Нацыянальнага цэнтра Ханоя - месца правядзення з'езду. Партыйны форум адбыўся з 25 студзеня да 1 лютага.
© REUTERS / KHAMУ працы 13-га партз'езда прынялі ўдзел 1 587 дэлегатаў.
13-ы з'езд кіруючай Камуністычнай партыі В'етнама - Sputnik Беларусь
3/15
У працы 13-га партз'езда прынялі ўдзел 1 587 дэлегатаў.
© REUTERS / KHAMНа вуліцах Ханоя былі ўзмоцнены меры бяспекі: паліцыя патрулявала на браніраваным аўтамабілі.
13-ы з'езд кіруючай Камуністычнай партыі В'етнама - Sputnik Беларусь
4/15
На вуліцах Ханоя былі ўзмоцнены меры бяспекі: паліцыя патрулявала на браніраваным аўтамабілі.
© AFP 2021 / MANAN VATSYAYANAСтвораная ў 1930 годзе першым прэзідэнтам ДРВ Хо Шы Мінам Камуністычная партыя на сённяшні дзень застаецца не толькі кіруючай сілай в'етнамскай дзяржавы, але і самай масавай грамадска-палітычнай арганізацыяй краіны.
13-ы з'езд кіруючай Камуністычнай партыі В'етнама - Sputnik Беларусь
5/15
Створаная ў 1930 годзе першым прэзідэнтам ДРВ Хо Шы Мінам Камуністычная партыя на сённяшні дзень застаецца не толькі кіруючай сілай в'етнамскай дзяржавы, але і самай масавай грамадска-палітычнай арганізацыяй краіны.
© REUTERS / KHAMЖанчына-паліцэйскі ў ахове Нацыянальнага цэнтра Ханоя - месцы правядзення з'езду.
13-ы з'езд кіруючай Камуністычнай партыі В'етнама - Sputnik Беларусь
6/15
Жанчына-паліцэйскі ў ахове Нацыянальнага цэнтра Ханоя - месцы правядзення з'езду.
© REUTERS / VNAПрэм'ер-міністр В'етнама Нгуен Суан Фук.
13-ы з'езд кіруючай Камуністычнай партыі В'етнама - Sputnik Беларусь
7/15
Прэм'ер-міністр В'етнама Нгуен Суан Фук.
© REUTERS / VNAУ Нацыянальным кангрэс-цэнтры прайшла ўрачыстая цырымонія адкрыцця 13-га з'езду КПВ з удзелам дзеючых і былых кіраўнікоў партыі і в'етнамскай дзяржавы, выдатных прадстаўнікоў в'етнамскага грамадства, а таксама прадстаўнікоў замежнага дыпламатычнага корпуса і міжнародных арганізацый, якія працуюць у краіне.
13-ы з'езд кіруючай Камуністычнай партыі В'етнама - Sputnik Беларусь
8/15
У Нацыянальным кангрэс-цэнтры прайшла ўрачыстая цырымонія адкрыцця 13-га з'езду КПВ з удзелам дзеючых і былых кіраўнікоў партыі і в'етнамскай дзяржавы, выдатных прадстаўнікоў в'етнамскага грамадства, а таксама прадстаўнікоў замежнага дыпламатычнага корпуса і міжнародных арганізацый, якія працуюць у краіне.
© REUTERS / VNAДэлегаты 13-га з'езда кіруючай Камуністычнай партыі В'етнама.
13-ы з'езд кіруючай Камуністычнай партыі В'етнама - Sputnik Беларусь
9/15
Дэлегаты 13-га з'езда кіруючай Камуністычнай партыі В'етнама.
© REUTERS / HANDOUTПрэзідэнт і Генеральны сакратар Камуністычнай партыі В'етнама Нгуен Фу Чонг выступае на цырымоніі адкрыцця 13-га з'езду кіруючай КПВ.
13-ы з'езд кіруючай Камуністычнай партыі В'етнама - Sputnik Беларусь
10/15
Прэзідэнт і Генеральны сакратар Камуністычнай партыі В'етнама Нгуен Фу Чонг выступае на цырымоніі адкрыцця 13-га з'езду кіруючай КПВ.
© REUTERS / VNAВ'етнамскія маці-гераіні на цырымоніі адкрыцця 13-га Нацыянальнага з'езда кіруючай Камуністычнай партыі В'етнама.
13-ы з'езд кіруючай Камуністычнай партыі В'етнама - Sputnik Беларусь
11/15
В'етнамскія маці-гераіні на цырымоніі адкрыцця 13-га Нацыянальнага з'езда кіруючай Камуністычнай партыі В'етнама.
© AFP 2021 / MANAN VATSYAYANAВ'етнамскія журналісты працуюць у прэс-цэнтры з'езда партыі.
13-ы з'езд кіруючай Камуністычнай партыі В'етнама - Sputnik Беларусь
12/15
В'етнамскія журналісты працуюць у прэс-цэнтры з'езда партыі.
© REUTERS / KHAMЖанчыны ў традыцыйных в'етнамскіх касцюмах аозай нясуць плакат з выявай паштовай маркі з партрэтам заснавальніка КПВ і першага прэзідэнта незалежнага В'етнама Хо Шы Міна, выпушчанай да 13-га з'езда партыі. Дарэчы, першым афіцыйным мерапрыемствам у праграме з'езда стала наведванне яго дэлегатамі маўзалея Хо Шы Міна.
13-ы з'езд кіруючай Камуністычнай партыі В'етнама - Sputnik Беларусь
13/15
Жанчыны ў традыцыйных в'етнамскіх касцюмах аозай нясуць плакат з выявай паштовай маркі з партрэтам заснавальніка КПВ і першага прэзідэнта незалежнага В'етнама Хо Шы Міна, выпушчанай да 13-га з'езда партыі. Дарэчы, першым афіцыйным мерапрыемствам у праграме з'езда стала наведванне яго дэлегатамі маўзалея Хо Шы Міна.
© REUTERS / THANH HUEПлакат да 13-га з'езда кіруючай Камуністычнай партыі В'етнама ў Ханоі.
13-ы з'езд кіруючай Камуністычнай партыі В'етнама - Sputnik Беларусь
14/15
Плакат да 13-га з'езда кіруючай Камуністычнай партыі В'етнама ў Ханоі.
© AFP 2021 / MANAN VATSYAYANAВ'етнамская сям'я фатаграфуецца перад помнікам героям Камуністычнай партыі В'етнама.
В'етнамская сям'я фатаграфуецца перад помнікам героям Камуністычнай партыі В'етнама - Sputnik Беларусь
15/15
В'етнамская сям'я фатаграфуецца перад помнікам героям Камуністычнай партыі В'етнама.
Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі