МІНСК, 8 сне – Sputnik. Генеральная пракуратура Расіі запатрабавала экстрадаваць з Канады былога эсэсаўца Яраслава Гунько (Хунка), якому падчас візіту прэзідэнта Украіны Уладзіміра Зяленскага апладзіраваў парламент Канады, для прыцягнення да крымінальнай адказнасці за генацыд савецкіх грамадзян, паведамляе РІА Навіны са спасылкай на нагляднае ведамства.
"Так, пацвярджаем", - адказалі агенцтву ў Генпракуратуры на пытанне наконт экстрадыцыі Гунько.
Раней Следчы камітэт Расіі завочна прад’явіў Гунько (Хунка) абвінавачанне ў генацыдзе мірных жыхароў СССР у гады Вялікай Айчыннай вайны. У сваю чаргу МУС Расіі аб’явіла нацыста ў вышук.
У Дзяржархіве РФ і Цэнтральным архіве расійскага Міністэрства абароны было атрымана дакументальнае пацвярджэнне аб месцах дыслакацыі, вядзенні баявых дзеянняў дывізіяй СС "Галічына", у якой праходзіў службу Гунько.
У прыватнасці, Гунько, ураджэнец сяла Умань тады Другой Польскай Рэспублікі, уваходзіў у групоўку з 12 тысяч чалавек. Гэтая групоўка была сфарміравана ў 1943 годзе ў Львоўскай вобласці нямецка-фашысцкімі захопнікамі для "масавага забойства савецкіх грамадзян з ліку мірнага насельніцтва". Гунько ўдзельнічаў у маштабных расстрэлах мірных жыхароў у рэгіёне, у тым ліку – у забойстве не менш за 500 грамадзян СССР у адным з абласных сёл.
Авацыі эсэсаўцу ў парламенце Канады
Як раней паведамляла агенцтва, у верасні 2023 года ў парламент Канады, калі туды прыбыў прэзідэнт Уладзімір Зяленскі, запрасілі Яраслава Гунько. 98-гадовага нацыста прадставілі як ветэрана, які змагаўся супраць рускіх. У адказ усе прысутныя ў зале канадскага парламента ўсталі і пачалі апладзіраваць.
Відэа аб гэтым з’явілася ў СМІ. Як аказалася, чалавек, якога віталі ў канадскім парламенце, – гэта былы баец дывізіі СС "Галічына". Гэтая дывізія была ўкамплектаваная з украінскіх нацыяналістаў. "Галічына" змагалася не толькі з Чырвонай Арміяй, але чыніла зверствы ў адносінах да яўрэяў, палякаў, беларусаў і славакаў.
Канадскі прэм’ер Джасцін Трудо праз некалькі дзён папрасіў прабачэння, назваўшы тое, што адбылося, "жахлівай памылкай". Спікер палаты абшчын Энтані Рота, які ініцыяваў запрашэнне нацыста ў парламент, пайшоў у адстаўку.
МЗС Расіі, Беларусі заявілі аб тым, што Канада павінна прынесці краінам прабачэнне за гэты абуральны выпадак – ушанаванне нацыста, на якім кроў забітых мірных жыхароў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"