МІНСК, 13 сне – Sputnik. Місія назіральнікаў ад СНД будзе працаваць на прэзідэнцкіх выбарах у Азербайджане і Расіі, а таксама на парламенцкіх у Беларусі, паведаміў журналістам у сераду генеральны сакратар СНД Сяргей Лебедзеў, перадае карэспандэнт Sputnik.
"Наступны год – год выбараў у вядучых дзяржавах нашай садружнасці", - сказаў Лебедзеў.
Паводле яго слоў, выканкам СНД ужо атрымаў пісьмовае запрашэнне назіраць за прэзідэнцкімі выбарамі ў Азербайджане.
"Потым парламенцкія выбары ў Беларусі. І ў сакавіку – прэзідэнцкія выбары ў Расійскай Федэрацыі", - сказаў Лебедзеў.
Ён адзначыў, што Выканаўчы камітэт СНД ужо рыхтуецца да назірання за гэтымі выбарамі. Пры гэтым Лебедзеў расказаў, што ад Беларусі і Расіі атрымалі вусныя запрашэнні.
"Пісьмовае запрашэнне мы атрымалі толькі ад Азербайджана, яны першымі праводзяць выбары", - удакладніў ён.
Самая першая электаральная кампанія ў 2024 годзе ў краінах СНД пройдзе ў Азербайджане, там на 7 лютага назначаны прэзідэнцкія выбары.
Следам, 25 лютага, пройдзе Адзіны дзень галасавання на парламенцкіх і мясцовых выбарах у Беларусі.
На 17 сакавіка прызначаны асноўны дзень галасавання на прэзідэнцкіх выбарах у Расіі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Аліеў вылучаны кандыдатам у прэзідэнты Азербайджана
Карпенка запрасіў ЦВК Расіі назіраць за выбарамі ў Беларусі
Пяскоў: за Пуціным пераважная большасць людзей у Расіі