МІНСК, 14 сне – Sputnik. Мір наступіць, калі Расійская Федэрацыя дасягне сваіх мэт у спецыяльнай ваеннай аперацыі, заявіў прэзідэнт Расіі Уладзімір Пуцін на штогадовай прэс-канферэнцыі, якая сумешчаная з прамой лініяй.
"Я нагадаю, пра што мы тады (у пачатку СВА - Sputnik) казалі – аб дэнацыфікацыі Украіны, аб дэмілітарызацыі, аб яе нейтральным статусе", - сказаў Пуцін.
Прэзідэнт адзначыў, што амаль па ўсёй лініі судакранання расійская армія паляпшае сваё становішча.
"Практычна ўсе знаходзяцца ў актыўнай стадыі дзеянняў, і на ўсім працягу ідзе паляпшэнне становішча нашых войск", - адзначыў ён.
Гаворачы аб сітуацыі ў раёне вёскі Крынкі Херсонскай вобласці на левым беразе Дняпра, Пуцін адзначыў, што там УСУ "піхаюць сваіх людзей на проста знішчэнне".
"Самі вайскоўцы гавораць, украінскія вайскоўцы гавораць, што гэта дарога ў адзін канец. Бо для таго, каб туды падаць асабовы склад, там чалавек 80 увесь час знаходзілася, зараз менш ужо, выкарыстоўваюць толькі лодкі, але яны ж пад агнём артылерыі, дронаў, іншых сродкаў паражэння", - заявіў прэзідэнт РФ.
Паводле яго слоў, сярод расійскіх вайскоўцаў у гэтым раёне "санітарныя страты". Два-тры дні таму гэта былі шэсць параненых, а ў праціўніка – дзесяткі загінулых. Як лічыць Пуцін, вайскоўцы Украіны трапілі ў агнявы мяшок.
Гэта, растлумачыў прэзідэнт РФ, можа быць звязана з тым, што кіраўніцтва Украіны "ездзіць і клянчыць" грошы на Захадзе на ўтрыманне краіны, тэхніку і боепрыпасы. Па гэтай прычыне трэба прадэманстраваць, што ёсць хоць нейкія шансы на поспех у контрнаступленні.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"