ГОМЕЛЬ, 15 сне – Sputnik. Імпартазамяшчэнне – гэта адзін з асноўных напрамкаў у рабоце ўрада, сказаў прэм’ер-міністр Беларусі Раман Галоўчанка падчас рабочай паездкі ў абласны цэнтр, перадае карэспандэнт Sputnik.
"Мы чакаем, што ў бягучым годзе аб’ём выпуску імпартазамяшчальнай прадукцыі будзе бліжэй да 29 млрд долараў. Два гады таму гэта было 26-27, гэта значыць два мільярды мы дададзім. У наступным годзе мы павінны выйсці ўжо за 30 млрд долараў", - лічыць кіраўнік урада.
Паводле яго слоў, у работу па імпартазамяшчэнні ўключана шмат прадпрыемстваў па ўсёй рэспубліцы, якія асвойваюць вялікую наменклатуру.
"Нам не хапала штуршка, каб гэтым займацца добраахвотна. Вось заняліся добраахвотна-прымусова, і гэта дае свае вынікі", - канстатаваў прэм’ер.
Пры гэтым ён звярнуў увагу, што гэта датычыцца і выпуску мэблі, у тым ліку, аналагаў "ікееўскай" і простых вырабаў.
Галоўчанка растлумачыў, што пастаўкі імпартных тавараў негатыўна ўплывалі на плацежны баланс, зараз грошы застаюцца і асвойваюцца ў Беларусі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"