МІНСК, 18 сне – Sputnik. Агульны ВУП краін СНД па выніках студзеня-верасня ў параўнанні з аналагічным перыядам мінулага года вырас больш як на 2%, паведаміў прэм’ер-міністр Беларусі Раман Галоўчанка на пасяджэнні кіраўнікоў урадаў краін СНД у Маскве.
"У цэлым прыемна адзначыць, што ў 2023 годзе нашы краіны змаглі ўсе вярнуцца на траекторыю росту, нягледзячы на каласальны націск, які аказваецца на шэраг краін", - сказаў Галоўчанка.
Ён звярнуў увагу, што па выніках дзевяці месяцаў аб’ём прамысловай прадукцыі павялічыўся на 3,4%, грузаперавозак – амаль на 6%, а абарот рознічнага гандлю – на 5%. Галоўчанка лічыць, што трэба і далей устараняць перашкоды ва ўзаемным гандлі, лібералізаваць сферу паслуг і прыцягваць інвестыцыі.
Прэм’ер прапанаваў таксама працаваць над стварэннем высокатэхналагічнай прадукцыі, якая лепей за замежныя аналагі. Паводле яго слоў, прыклады такой працы ўжо ёсць. Галоўчанка заклікаў выкарыстоўваць напрацоўкі Саюзнай дзяржавы і ЕАЭС. Ён нагадаў аб такіх праектах, як еўразійскі электробус.
Візіт беларускага прэм’ера ў Маскву пачаўся 16 снежня. Кіраўнік Саўміна Беларусі наведаў выставу "Россия" на ВДНГ, а таксама разам з калегамі азнаёміўся з прадукцыяй прадпрыемстваў холдынга "Объединенные кондитеры".
Галоўчанка прапанаваў, каб кандытарскае прадпрыемства "Бабаевский" аднавіла выпуск шакаладных зайцоў, якія былі ў савецкі час.
"Гэта быў страшны дэфіцыт і марай кожнага хлопчыка і дзяўчынкі было атрымаць такога шакаладнага зайца. Я сёння спытаў, ці ёсць яны тут, мне адказалі, што яны зняты з вытворчасці", - падзяліўся прэм’ер.
Сустрэча прэм’ераў краін СНД у Маскве завяршаецца ў панядзелак 18 снежня і папярэднічае расійскаму старшынству ў Садружнасці ў наступным годзе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"