МІНСК, 22 сне – Sputnik. Прэзідэнт Беларусі Аляксандр Лукашэнка павіншаваў работнікаў і ветэранаў энергетычнай галіны з Днём энергетыка, паведамілі ў прэс-службе кіраўніка дзяржавы ў пятніцу.
У сваім віншавальным пасланні беларускі лідар канстатаваў, што айчынны энергетычны комплекс – адзін з важнейшых складальнікаў прамысловага і інавацыйнага развіцця нацыянальнай эканомікі.
"Дзякуючы вашым высокаму майстэрству, ведам і багатаму вопыту галіна ўпэўнена рухаецца наперад: паспяхова рэалізуюцца буйныя высокатэхналагічныя праекты, уводзяцца ў строй новыя аб’екты, мадэрнізуецца электрасеткавая інфраструктура, асвойваюцца перадавыя тэхналогіі", - адзначыў Лукашэнка.
Ён таксама падкрэсліў, што ключавое месца ў энергасістэме рэспублікі займае атамная станцыя ў Астраўцы.
"Увядзенне ў эксплуатацыю яе другога энергаблока з’яўляецца галоўнай падзеяй года ў айчыннай энергетыцы і яшчэ больш умацоўвае пазіцыі нашай дзяржавы як ядзернай дзяржавы", - заявіў прэзідэнт Беларусі.
Пажадаўшы ўсім моцнага здароўя і новых дасягненняў у прафесіі, ён выказаў перакананасць, што інтэлектуальны патэнцыял і закладзеныя ветэранамі галіны традыцыі дадуць магчымасць і ў далейшым эфектыўна вырашаць пастаўленыя задачы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"