Ніжагародская вобласць адкрые турцэнтр у Мінску

МІНСК, 22 сне – Sputnik. Ніжагародская вобласць сумесна з групай кампаній "Белаўтагаз" адкрые ў Мінску турыстычны цэнтр, паведаміў карэспандэнту Sputnik кіраўнік прадстаўніцтва гэтага рэгіёна РФ у Беларусі Андрэй Дудкін.

Адкрыццё цэнтра – частка маштабнага праекта. Плануецца павялічыць узаемныя турпатокі: з Беларусі ў Ніжагародскую вобласць і наадварот.

Таксама ў рамках сумеснага праекта група "Белаўтагаз" і прадстаўніцтва рэгіёна адкрылі 22 снежня ў Мінску салон народных промыслаў Ніжагародскай вобласці. У ім прадстаўлены самыя розныя вырабы: ад матрошак да элітных сталовых прыбораў. Ёсць нават флэшкі класа "люкс" з упрыгожваннямі.

Ідэя салона не толькі ў раздробным продажу. Плануецца, што ў яго змогуць прыйсці прадстаўнікі беларускіх кампаній і заказаць карпаратыўныя сувеніры напрамую ў ніжагародцаў або дамовіцца аб закупках прадукцыі для продажу ў Беларусі.

Экспазіцыя будзе пастаянна абнаўляцца. Пакуль што у ёй прадстаўлена толькі невялікая частка з 14 напрамкаў народных промыслаў Ніжагародскай вобласці. Чакаецца паступленне элітнай халоднай зброі, вырабаў з каменя з разьбой.

Таксама, паводле яго слоў, плануецца выстаўляць вырабы і беларускіх майстроў. Акрамя таго, у сталіцы Беларусі плануецца пабудаваць капліцу ў гонар святога з Ніжагародскай вобласці – Серафіма Сароўскага.

У той жа час, паводле яго слоў, гандлёва-эканамічнае супрацоўніцтва развіваецца даволі добра. З пачатку года група прадала ў Беларусі больш за 2,5 тысячы аўтамабіляў ГАЗ, у тым ліку ў снежні рэалізавана ўжо некалькі соцень. Вытворца, як падкрэсліў Супруновіч, не паспявае адгружаць тэхніку.

У адкрыцці салона прынялі ўдзел і кіраўнік гандлёвага прадстаўніцтва Расіі ў Беларусі Юрый Залатароў, дэпутаты Палаты прадстаўнікоў, кіраўнікі кампаній Ніжагародскай вобласці і рэспублікі.