МІНСК, 28 сне – Sputnik. Змяняецца калідор цэн на транспарціроўку нафтапрадуктаў па магістральным трубаправодзе ААТ "Гомельтранснафта Дружба" па двух участках, вынікае з пастановы міністэрства антыманапольнага рэгулявання і гандлю (МАРГ) Беларусі №73 ад 14 снежня, апублікаванай на Нацыянальным прававым інтэрнэт-партале.
"Гэтая пастанова ўступае ў сілу з 1 студзеня 2024 года", - сказана ў дакуменце.
Раней ведамства мяняла цэны ў сакавіку 2023 года. Цяпер паднімаецца мінімальны кошт прапампоўвання па ўчастку Полацк – Крулеўшчызна з 11,63 да 12,40 беларускага рубля, а максімальны тарыф – з 14,53 да 15,50. На ўчастку Полацк – Фаніпаль ніжняя мяжа мяняецца з 17,17 да 18,32, а верхняя – з 21,45 да 22,88 рубля.
Беларускі бок у 2023 годзе таксама неаднаразова прапаноўваў расійскім партнёрам узняць і кошт транзіту нафты па нафтаправодзе "Дружба". У сярэдзіне снежня заяўлялася, што па паўночнай частцы тарыф можна павялічыць на 43%, а па паўднёвай – на 14,5%. Да гэтага была прапанова аб тым, каб тарыф вырас з 1 ліпеня 2023 года на 84%.
Цяпер павышэнне можа адбыцца з 1 лютага наступнага года. Расійскія партнёры з "Транснафты" гатовы абмяркоўваць павелічэнне, але ўлічыць таксама інтарэсы Казахстана, таму што па паўночнай ветцы "Дружбы" транспартуецца казахстанская нафта.
У нядаўнім мінулым расійская "Транснафта" і беларуская "Гомельтранснафта Дружба" супрацоўнічалі па транзіце нафты, здабытай у Расіі. Аднак пастаўкі ў Польшчу па "Дружбе" спыніліся ў лютым гэтага года, а прапампоўка ў Германію спынілася з пачатку 2023 года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"