МІНСК, 29 сне – Sputnik. Савецкі і беларускі тэлевядучы Аляксандр Дамарацкі памёр на 75-м годзе жыцця, пра гэта Sputnik паведамілі ў пятніцу ў прэс-службе Белтэлерадыёкампаніі.
Аляксандр Дамарацкі скончыў БДУ. У 1972 годзе ён працаўладкаваўся на беларускае тэлебачанне і прайшоў шлях ад журналіста, каментатара, тэлевядучага да генеральнага дырэктара тэлеканала.
Хто губляе самавалоданне, той губляе ўсё
У адным са сваіх інтэрв’ю тэлевядучы расказаў аб тым, што дапамагае яму спраўляцца з цяжкімі жыццёвымі сітуацыямі.
"Я пачуў адну фразу, мне было тады гадоў 13. Ішоў спектакль па Дзікенсу "Домбі і сын". І цётка маленькаму Домбі кажа: трэба зрабіць над сабой намаганне. І я ўсё сваё жыццё раблю над сабой намаганне. Гэта вельмі складана, але гэта у мне ёсць. Бываюць моманты, калі я не хачу гэта рабіць, а мне трэба, таму што ад гэтага залежыць нечая праца, мой унутраны стан", - казаў Дамарацкі ў інтэрв’ю Святлане Бароўскай.
Тэлевядучы адзначаў, што той, хто губляе самавалоданне, той губляе ўсё.
Таксама ён цёпла адклікаўся аб дзвюх галоўных жанчынах у сваім жыцці.
"Ёсць дзве вялікія жанчыны, якія мяне зрабілі – гэта мая маці і мая жонка", - казаў Дамарацкі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"