Серыя магутных падземных штуршкоў, якім далі назву "Землятрус на паўвостраве Нота", адбылася ў Японіі 1 і 2 студзеня, найбольш пацярпелыя гарады – Вадзіма і Судзу ў прэфектуры Ісікава. Ужо вядома, што ў гэтых гарадах загінулі 62 чалавекі і больш за 100 пацярпелі.
У відэароліку, апублікаваным агенцтвам Ruptly, бачныя наступствы землятрусаў – разбураныя будынкі, расколіны на праезнай частцы. Мясцовыя жыхары расказалі, як ім удалося выжыць падчас стыхіі.
"Усё разбуралася і падала. Ступіць не было куды. Мы спрабавалі выбрацца, але не змаглі, таму што ўсё вакол заступала нам шлях", - распавёў жыхар аднаго з пацярпелых гарадоў Муранака.
Жыхар горада Сікамаці распавёў, што яго сям’я, пачуўшы аб папярэджанні цунамі, выбегла з дому і пабегла на ўзвышша, на якім знаходзілася невялікае свяцілішча.
"Мы адправіліся ў невялікае свяцілішча на вяршыні ўзгорка, але вялікія каменныя вароты свяцілішча абрынуліся", - распавёў ён.
Жыхароў гарадоў, чые дамы былі разбураны землятрусам, размяшчаюць у часовых сховішчах, якія арганізуюць у школах. Прэм’ер-міністр Японіі Фуміё Кісіда раней паведаміў, што эвакуацыя жыхароў з раёнаў, якія пацярпелі ад землятрусу, працягваецца.
Чакаецца, што колькасць ахвяр і пацярпелых будзе расці, бо жыхары дамоў могуць усё яшчэ знаходзіцца пад заваламі. Работу ратавальнікам можа ўскладніць надвор’е – ёсць верагоднасць ліўневых дажджоў у рэгіёне, што можа выклікаць апоўзні.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"