6 лютага 2023 года з інтэрвалам у дзевяць гадзін на паўднёвым усходзе Турцыі адбыліся два магутныя землятрусы.
Найбольшую шкоду панеслі Турцыя і суседняя Сірыя, падземныя штуршкі таксама адчувалася ў Арменіі, Грузіі, Ліване, Лівіі, Ізраілі і на Кіпры.
На здымку: выратавальныя працы на месцы разбуранага ў выніку землятрусу будынка ў турэцкім горадзе Дыярбакыр.
Паводле справаздачы Міжнароднага медыцынскага корпуса ад 8 сакавіка, колькасць загінулых у выніку землятрусаў перавысіла 50 000 чалавек, уключаючы 45 968 ахвяр у Турцыі і 7 259 у Сірыі. Тысячы чалавек пацярпелі. Больш за 160 000 будынкаў абваліліся або былі моцна пашкоджаны.
Разбурэнні зафіксаваныя на плошчы 350 тыс км² (параўнальна з плошчай, напрыклад, Германіі). Каля 1,5 млн чалавек засталіся без прытулку. Урон ацэнены ў 109,1 млрд долараў.
На здымку: разбор завалаў разбуранага ў выніку землятрусу жылога дома ў сірыйскім Алепа, 7 лютага 2023 года.
Масіўны апоўзень абрынуўся на ключавую дарогу на паўночным захадзе Пакістана недалёка ад прыгранічнага горада Торхам перад світаннем 18 красавіка. На дарозе ў гэты момант знаходзілася больш за 20 грузавікоў, іх накрыла вялізным пластом камянёў і зямлі.
Многія вадзіцелі аказаліся заблакіраваны ў машынах, ахвярамі сталі не менш як тры чалавекі.
На фота: ратавальнікі і валанцёры нясуць чалавека, якога вынялі з-пад завалаў на месцы апоўзня каля прыгранічнага горада Торхам, Пакістан.
Дажджы на тэрыторыі Калехе ў правінцыі Паўднёвае Ківу на ўсходзе Дэмакратычнай Рэспублікі (ДР) Конга выклікалі разліў рэк у чацвер, 4 мая, затапіўшы вёскі Бушушу і Ньямукубі.
З-за паводак і апоўзняў у правінцыі Паўднёвае Ківу загінулі 394 чалавекі, змыты сотні дамоў.
Улады Конга аб’явілі 8 мая днём нацыянальнай жалобы па загінулых.
На фота: людзі ідуць побач з разбураным паводкай домам у вёсцы Ньямукубі, правінцыя Паўднёвае Ківу, Конга, субота, 6 мая 2023 года.
У маі 2023 года серыя паводак абрынулася на гарады Балоння, Чэзена, Форлі, Равена і Рыміні і іх наваколлі ў рэгіёне Эмілія-Рамання ў Італіі.
Першыя паводкі адбыліся паміж 2 і 3 мая, у выніку іх загінулі два чалавекі. Яшчэ адна серыя паводак пачалася 16 мая 2023 года і працягвалася па 18 мая, падчас яе загінула па меншай меры 15 чалавек і 50 000 былі вымушаны пакінуць свае дамы.
За два тыдні выпала сямімесячная норма ападкаў, што выклікала разліў 23 рэк па ўсім рэгіёне. У некаторых раёнах амаль палова сярэднегадавой нормы ападкаў выпала ўсяго за 36 гадзін.
Больш за тое, адбылося сама меней 300 апоўзняў, 43 гарады аказаліся закранутыя паводкамі.
Па паведамленнях, паводка стала самай магутнай у Італіі за апошнія 100 гадоў.
На здымку: затопленыя вуліцы горада Луго, недалёка ад Равены, 18 мая 2023 года.
З 8 чэрвеня ў Паўднёвай Карэі пачаліся моцныя ліўні, з 25-га пачалася паводка, якая працягвалася да 26 ліпеня. Праліўныя дажджы ў асноўным закранулі жылыя раёны ў правінцыях Чхунчхон-Пукта і Кенсан-Пукто.
Сама меней 47 чалавек загінулі і тры чалавекі прапалі без вестак.
Разбураны больш за 9 200 дамоў, 14 400 чалавек па ўсёй краіне былі эвакуіраваныя.
Па даных міністэрства ўнутраных спраў і бяспекі Рэспублікі Карэя, было пашкоджана або затоплена 34 000 гектараў сельгасугоддзяў і загінула 825 000 галоў скаціны.
Таксама былі пашкоджаны некалькі аб’ектаў культурнай спадчыны Рэспублікі Карэя, у тым ліку гістарычная вобласць каралеўства Пэкчэ і горны перавал Мунгёнсэджэ.
Гэты лівень быў прызнаны наймацнейшым за 115 гадоў.
На фота: ратавальнікі шукаюць тых, хто выжыў на дарозе, затопленай паводкавымі водамі, якая вядзе да падземнага тунэля ў Чхонджу, Паўднёвая Карэя, нядзеля, 16 ліпеня 2023 года.
Наймагутныя пажары здарыліся ў Грэцыі на фоне анамальнай спёкі, якая ўсталявалася ў краіне.
З-за іх 18 ліпеня аб надзвычайным становішчы абвясцілі тры муніцыпалітэты вострава Радос, у нядзелю 23 ліпеня – яшчэ адно, а 26-га рэжым НС распаўсюдзіўся на ўвесь востраў.
З небяспечных раёнаў вострава Радос былі эвакуіраваныя больш за 30 тысяч чалавек, у той жа час многія турысты не маглі вярнуцца дадому з-за адмененых рэйсаў.
На фота: пажарны трымае выратаваных ад пажару кошку і двух трусоў.
Пажар пачаўся 28 ліпеня ў раёне Нью-Йоркскага горнага хрыбта каліфарнійскага нацыянальнага запаведніка Махавэ. Полымя перасекла межы штата і накіравалася ў Неваду 30 ліпеня, калі вецер узмацніўся пры высокай тэмпературы паветра.
Гэта адзін з дзесяткаў лясных пажараў па ўсёй краіне, адзін з іх бушаваў па абодва бакі амерыкана-канадскай мяжы. Ва ўмовах спякоты ў дзевяці штатах ЗША налічвалася 64 ачагі буйных пажараў.
Пажар у Йорку спаліў больш за 70 000 акраў зямлі, у тым ліку дрэвы Джошуа ў нацыянальным запаведніку Махавэ.
На здымку: пажар у нацыянальным запаведніку Махавэ, 30 ліпеня 2023 года.
Наймацнейшыя дажджы за апошнія 140 гадоў у Кітаі выпалі ў канцы ліпеня – пачатку жніўня.
Толькі ў Пекіне з суботы, 29 ліпеня, па сераду, 2 жніўня, выпала 744,8 міліметра ападкаў – максімум з 1891 года.
Сярод найбольш пацярпелых раёнаў – Чжуачжоу, невялікі горад, які мяжуе з паўднёвым захадам Пекіна.
Усяго ад паводак пацярпелі 1,29 млн чалавек, 59 тыс будынкаў былі абрушаны, а 147 тыс былі моцна пашкоджаны. Загінулі 33 чалавекі, яшчэ 18 прапалі без вестак.
На фота: жыхароў эвакуіруюць на гумавых лодках у Чжуачжоу, правінцыя Хэбэй на поўначы Кітая, 2 жніўня 2023 года.
З 8 па 10 жніўня лясныя пажары на востраве Мауі прывялі да маштабнай шкоды ў горадзе Лахайна. Без жылля засталіся не менш як 4,5 тысячы чалавек. Паведамлялася аб 115 загінулых, колькасць зніклых без вестак можа даходзіць да 1 100 чалавек.
Пажар у Лахайне стаў самым смяротным у ЗША за апошнія 100 гадоў. Урон быў ацэнены прыкладна ў 5,52 млрд долараў.
Улады акругі Мауі ў амерыканскім штаце Гаваі падалі іск у суд супраць энергетычнай кампаніі Hawaiian Electric за халатнасць, якая прывяла да пажараў, што спустошылі востраў.
У іску сцвярджаецца, што кампанія Hawaiian Electric не адключыла электраабсталяванне, нягледзячы на папярэджанне Нацыянальнай метэаралагічнай службы аб рызыцы ўзнікнення лясных пажараў, а лініі электраперадачы, якія былі пад напружаннем, падпалілі сухую траву пры падзенні слупоў, што прывяло да пажараў.
На фота: абгарэлыя аўтамабілі і будынкі пасля ляснога пажару ў Лахайне, Гаваі, 22 жніўня 2023 года.
Наймацнейшы за ўсю гісторыю Марока землятрус магнітудай 6,8 здарыўся 8 верасня. Ён зраўняў з зямлёй цэлыя вёскі і пакінуў дзесяткі тысяч людзей без прытулку, амаль 3 000 чалавек загінулі і больш за 5 600 атрымалі раненні.
Урон ацэньваецца ў 12 млрд долараў.
На фота: тыя, хто выжыў, чакаюць дапамогі ў вёсцы паміж Маракешам і Тарудантам на горным хрыбце Атлас, 17 верасня 2023 года.
Паводка абрынулася на ўсходнія раёны Лівіі пасля шторму "Даніэль", які перад гэтым прынёс разбуральныя паводкі ў Грэцыю, Турцыю і Балгарыю. Воды, якія імкліва падымаліся, прарвалі дзве плаціны на рацэ Дзерна, і позна ўвечары 10 верасня велізарная хваля абрынулася на цэнтр горада з насельніцтвам 100 тысяч чалавек, змятаючы цэлыя жылыя кварталы ў Міжземнае мора.
У той ці іншай ступені пацярпелі больш за мільён чалавек.
Па даных Упраўлення ААН па каардынацыі гуманітарных пытанняў, усяго ад паводкі загінула больш за 11 300 чалавек.
На здымку: член алжырскай выратавальнай каманды падчас аказання дапамогі ў партовым горадзе Дзерна на ўсходзе Лівіі 17 верасня 2023 года.
Паводка ў індыйскім штаце Сікім адбылася пасля таго, як моцны лівень выклікаў разліў ледніковага возера Паўднёвы Лханак. Возера знаходзіцца на вышыні каля 5,1 тысячы метраў над узроўнем мора, і спадарожнікавыя здымкі паказалі, што амаль 65% яго вады было зліта, затапіўшы раку Ціста. Вада разам са смеццем дасягнула плаціны Ціста-III, найбуйнейшага гідраэнергетычнага праекта Сікіма, і разбурыла яе.
Загінула каля 40 чалавек, больш за 70 чалавек прапалі.
На фота: аўтамабіль сярод абломкаў пашкоджаных дамоў у пацярпелым ад паводкі раёне ўздоўж ракі Ціста ў Рангпо, усходні Сікім, Індыя, нядзеля, 8 кастрычніка 2023 года.
7 кастрычніка 2023 года ў афганскай правінцыі Герат адбыліся два землятрусы, абодва з магнітудай 6,3. Першы землятрус – у 11:11 па афганскім часе, а другі – праз 31 хвіліну. У выніку землятрусаў загінула не менш за 2 530 чалавек, яшчэ 9 240 атрымалі раненні.
Землятрус стаў самым вялікім па колькасці ахвяр у Афганістане з мая 1998 года.
На здымку: афганскі хлопчык плача на магіле малодшага брата, які загінуў у выніку землятрусу.
Магутны землятрус з магнітудай 6,4 адбыўся 3 лістапада 2023 года ў 23:47 па мясцовым часе ў заходнім раёне Джаяркот на мяжы Індыі і Непала. Яго эпіцэнтр знаходзіўся за 42 кіламетры на поўдзень ад непальскага раёна Джумла.
Землятрус выклікаў шматлікія разбурэнні ў раёнах Джаяркот і Рукум. Паводле звестак улад, загінулі сама меней 153 чалавекі, некалькі соцень атрымалі раненні. Былі разбураны дамы, школы, бальніцы і іншыя будынкі.
Землятрус адбыўся ў раёне, які ў 2015 годзе ўжо пацярпеў ад землятрусу магнітудай 7,8. У выніку таго землятрусу загінулі больш за 9 тысяч чалавек.
На здымку: жанчына плача каля пашкоджанага землятрусам дома, дзе загінулі яе сын, нявестка і ўнук, у раёне Джаджаркот на паўночным захадзе Непала, нядзеля, 5 лістапада 2023 года.
У другой палове кастрычніка ў Кеніі пачаліся моцныя дажджы, якія працягваюцца да гэтага часу. Паводкі закранулі як прыбярэжныя раёны на ўсходзе краіны, так і вобласці на паўднёвым усходзе і поўначы. Адзначаецца, што найбольшыя страты нанесены прыбярэжнаму гораду Мамбаса, многія раёны якога апынуліся пад вадой.
Паводле звестак на 20 снежня, колькасць загінулых склала 174 чалавекі, на тэрыторыі краіны ўстаноўлены 170 лагераў для вымушана перамешчаных асоб, у іх размешчаны больш за 545 тысяч чалавек.
На фота: мужчына цягне свае рэчы, спрабуючы перайсці дарогу, пашкоджаную дажджамі Эль-Ніньё, у Туле, акруга Тана-Рывер у Кеніі, у суботу, 25 лістапада 2023 года.