МІНСК, 5 сту – Sputnik. Сістэмная работа па павелічэнні колькасці запатрабаванай грамадствам айчыннай кінапрадукцыі будзе весціся ў Беларусі, гаворыцца ў Канцэпцыі развіцця нацыянальнай культурнай прасторы ва ўсіх сферах жыцця грамадства на 2024–2026 гады, афіцыйнай апублікаванай на Нацыянальным інтэрнэт-партале ў пятніцу.
"Нацыянальная мастацкая культура павінна фарміраваць адукаванага грамадзяніна і патрыёта Айчыны", - адзначана ў дакуменце.
Улады маюць намер дабіцца, каб у тэатрах краіны было больш спектакляў паводле твораў беларускіх аўтараў.
Доля фільмаў беларускай вытворчасці ў кінапракаце і на стрымінгавых пляцоўках таксама павінна павялічыцца. Абяцаецца і экранізацыя твораў беларускай літаратуры.
Аўтары канцэпцыі лічаць, што трэба ствараць інтэрнэт-рэсурсы для папулярызацыі беларускай культуры, літаратуры і мастацтва.
"...Распаўсюджванне ў арганізацыях культуры практыкі святкавання народных і сучасных грамадзянскіх свят, памятных дат з выкарыстаннем мясцовых традыцый, адмова ад свят, навязаных звонку", - таксама гаворыцца ў канцэпцыі.
Мяркуецца і дзяржзаказ на творы выяўленчага мастацтва, звязаныя з гісторыяй, гісторыка-культурнай спадчынай беларускага народа, нацыянальнымі героямі, дасягненнямі сучаснай Беларусі.
Адзін з вынікаў, якога хочуць дабіцца з дапамогай новай канцэпцыі, – гэта фарміраванне ў насельніцтва "шанавання дзяржаўнай сімволікі Рэспублікі Беларусь", а таксама павагі да традыцый беларускага народа і нацыянальных святынь. Таксама ў людзей павінна быць пачуццё гонару за айчынныя дасягненні.
Дакумент уступае ў сілу з 6 студзеня бягучага года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"