МІНСК, 8 сту – Sputnik. Узброеныя сілы Расіі нанеслі групавы ракетны ўдар па аб’ектах ваенна-прамысловага комплексу Украіны, паведамілі ў Мінабароны РФ.
Удар быў нанесены раніцай у панядзелак, 8 студзеня. Для гэтых цэлей расійскія ваенныя задзейнічалі высокадакладную зброю вялікай далёкасці марскога і паветранага базіравання, у тым ліку гіпергукавы ракетны комплекс "Кінжал".
Нагадаем, што папярэдні буйны ўдар па прадпрыемствах украінскага ваенпрама УС Расіі нанеслі 2 студзеня.
У міністэрстве абароны Расіі таксама расказалі аб ходзе спецыяльнай ваеннай аперацыі.
На купянскім напрамку войскі РФ за мінулыя суткі адбілі дзевяць атак ўкраінскіх штурмавых груп. У выніку УСУ страцілі больш за 110 чалавек, два танкі і іншую тэхніку.
На чырвоналіманскім кірунку расійскія падраздзяленні пры падтрымцы авіяцыі і артылерыі нанеслі паражэнне баевікам у шэрагу населеных пунктаў ДНР і ЛНР. Узброеныя сілы Украіны страцілі да 230 вайскоўцаў забітымі і параненымі.
На данецкім напрамку людскія страты УСУ склалі больш за 250 чалавек (забітымі і параненымі), таксама ўкраінская армія страціла ў гэтым баявым сектары два танкі, тры бронемашыны, два аўтамабілі, дзве гаўбіцы Д-30.
На паўднёва-данецкім напрамку ўкраінскія вайскоўцы за апошнія суткі страцілі да 130 чалавек, на запарожскім – да 40, на Херсонскім – больш за 60.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"