МІНСК, 10 сту – Sputnik. Тайная сустрэча па Украіне не мела ніякага дачынення да вырашэння ўкраінскага крызісу, заявіла прэс-сакратар МЗС РФ Марыя Захарава.
Раней стала вядома, што ў снежні мінулага года ў сталіцы Саудаўскай Аравіі прайшла сакрэтная сустрэча на ўзроўні прадстаўнікоў саветаў нацыянальнай бяспекі Украіны, краін G7 і шэрага дзяржаў Глабальнага Поўдня.
Афіцыйны Кіеў спрабаваў падчас мінулых перагавораў дабіцца падтрымкі сваіх умоў для мірных перагавораў з Расіяй, але нічога не атрымалася.
"Гэта адпрацаваная канцэпцыя прыцягнення палітычнай увагі менавіта да рэжыму Зяленскага. Гэта піяр рэжыму Зяленскага", - лічыць Захарава.
Паводле яе слоў, гэта ні што іншае, як падтрымка пастаяннай актыўнасці ў інфармацыйнай прасторы тэмы Зяленскага, што не мае ніякага дачынення да вырашэння ўкраінскага крызісу.
Прэс-сакратар МЗС РФ упэўнена, што гэта дзве розныя тэмы, якія выключаюць адна адну, таму што вырашэнне ўкраінскага крызісу можа здарыцца толькі пры карпатлівай працы.
"Гэта работа на палітыка-дыпламатычным трэку: гэта і пытанне перагавораў, і кантактаў, і гэтак далей. Гэта лёс не аднаго чалавека, не дзесяці чалавек і іх камерцыйных, фінансавых, эканамічных інтарэсаў, а гэта лёс людзей, народаў", - асабліва адзначыла расійскі дыпламат у эфіры на радыё Sputnik.
Пасля чаго ўдакладніла, што ініцыятывы, якія зыходзяць ад украінскага прэзідэнта і ўвесь шум, які ствараецца вакол іх, адводзяць увагу на міжнароднай арэне ад рэальнага ўрэгулявання.
"Таму я і кажу, што гэта не проста розныя рэчы, але і супрацьлеглыя", - падсумавала Захарава.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"