МІНСК, 23 сту – Sputnik. Асаблівая сітуацыя складваецца на межах Беларусі, заявіў прэзідэнт рэспублікі Аляксандр Лукашэнка ў Палацы Незалежнасці, зацвярджаючы рашэнне на ахову мяжы ў бягучым годзе, паведаміла прэс-служба беларускага лідара.
Паводле яго слоў, гэта рашэнне, нягледзячы на традыцыйны характар, мае ў 2024 годзе свае асаблівасці, звязаныя з сітуацыяй, якая складваецца вакол рэспублікі.
"На поўдні – вайна, на захадзе – Польшча, Літва, балтыйскія дзяржавы – і таго горш. Падкрэсліваю: і таго горш. Там рыхтуюцца адпаведныя атрады, палкаводцы вызначаны", - адзначыў беларускі лідар.
Лукашэнка падкрэсліў, што ў Беларусі ведаюць і "байцоў гэтых атрадаў", якія гатовы ваяваць супраць сваёй краіны.
Пасля чаго кіраўнік дзяржавы заклікаў вайскоўцаў не дапусціць развіцця выпадковых падзей на дзяржаўнай мяжы, таму трэба праяўляць пільнасць.
Трымаць у прыцэле
На думку Лукашэнкі, пакуль што сілавікі спраўляюцца са сваімі функцыямі, тым больш што мяжа ўзмоцнена вайскоўцамі, якія выконваюць пэўныя задачы.
У сваю чаргу кіраўнік ДПК Канстанцін Моластаў расказаў, што з латвійскага боку да аховы мяжы таксама прыцягнуты ваенныя падраздзяленні.
Паводле яго інфармацыі ў літоўскім прымежжы дыслацыруюцца вайскоўцы са Злучаных Штатаў і Германіі. У мінулым годзе яны правялі там 12 вучэнняў.
"Ваенным трэба мець на ўвазе і трымаць іх, шчыра скажам, у прыцэле", - падкрэсліў Лукашэнка.
Польская загарода
Моластоў расказаў таксама, што палякі пабудавалі пяціметровую сцяну на мяжы, якая абсталявана відэаназіраннем і супрацьпадкопнымі сістэмамі. Палякі штодня вядуць паветраную разведку і патруляванне.
"Мяне інфармуюць мае крыніцы, у тым ліку і пагранічнікі, ваенныя, аб тым, што гэтая загарода супраць мігрантаў практычна не працуе. Мігранты яе пераадольваюць без праблем", - упэўнен кіраўнік дзяржавы.
У сваю чаргу старшыня Дзяржпагранкамітэта расказаў, што польскі бок ацэньвае эфектыўнасць загароды на мяжы з Беларуссю на ўзроўні 60%.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"