МІНСК, 24 сту – Sputnik. Транспартны самалёт Іл-76 пацярпеў крушэнне ў Белгародскай вобласці, аб гэтым паведаміла міністэрства абароны Расіі.
Удакладняецца, што паветранае судна выконвала планавы палёт.
На борце самалёта, які разбіўся, знаходзілася 65 палонных УСУ, якіх везлі на абмен, а таксама шэсць членаў экіпажа і трое суправаджаючых.
"Каля 11:00 мск (час супадае з мінскім) пры выкананні планавага палёту пацярпеў крушэнне самалёт Іл-76 у Белгародскай вобласці. На борце знаходзіліся 65 палонных ваеннаслужачых УСУ, якія перавозіліся ў Белгародскую вобласць для абмену, шэсць членаў экіпажа самалёта і трое суправаджаючых" - гаворыцца ў паведамленні.
Як паведамілі ў Мінабароны, на месца падзення вылецела камісія, якая павінна будзе ўстанавіць прычыны катастрофы.
Раней аб надзвычайным здарэнні ў Карачанскім раёне Белгарадскай вобласці паведаміў губернатар рэгіёна Вячаслаў Гладкоў.
"На месцы працуюць следчая група і супрацоўнікі МНС. Змяніў свой працоўны графік і выехаў у раён", - напісаў ён у сваім Telegram-канале, паабяцаўшы пазней паведаміць дэталі здарэння.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"